Bota

Shtohen tensionet/ Avioni luftarak rus përplaset me dronin amerikan mbi Detin e Zi

Droni 'Reape'r dhe dy avionë SU-27 Flanker po operonin mbi ujërat ndërkombëtare mbi Detin e Zi kur një nga avionët rusë fluturoi qëllimisht përpara dhe hodhi karburant përpara dronit pa pilot.

14 Mars 2023, 18:12 Nga a.l
Shtohen tensionet/ Avioni luftarak rus përplaset me dronin amerikan mbi
Avion luftarak

SHBA-Një avion luftarak rus pa pilot është përplasur me një dron amerikan mbi Detin e Zi, duke detyruar Forcën Ajrore të SHBA-së ta rrëzojë. Mediat e huaja raportojnë se, droni 'Reaper' dhe dy avionë SU-27 Flanker po operonin mbi ujërat ndërkombëtare mbi Detin e Zi kur një nga avionët rusë fluturoi qëllimisht përpara dhe hodhi karburant përpara dronit pa pilot. Një nga avionët më pas dëmtoi helikën e Reaper, e cila është montuar në pjesën e pasme të dronit. Dëmtimi i helikës detyroi SHBA-në të rrëzonte 'Reaper' në ujërat ndërkombëtare në Detin e Zi. Forcat Ajrore të SHBA-së lëshuan një deklaratë duke akuzuar avionin rus për veprim në një mënyrë të pamatur, të pasigurt për mjedisin dhe joprofesionale.

“Përafërsisht në orën 7:03 të mëngjesit (CET), një nga avionët rus Su-27 goditi helikën e MQ-9, duke bërë që forcat amerikane të duhet të rrëzojnë MQ-9 në ujërat ndërkombëtare. Disa herë para përplasjes, Su-27 hodhi karburant dhe fluturoi përpara MQ-9 në një mënyrë të pamatur, të pasigurt për mjedisin dhe joprofesionale. Ky incident tregon mungesë kompetence, përveç të qenit i pasigurt dhe joprofesional,” tha në deklaratë gjenerali i Forcave Ajrore të SHBA James B.Hecker, komandant i Forcave Ajrore të SHBA për Evropë dhe Forcat Ajrore në Afrikë.

Avionët rusë dhe amerikanë kanë operuar mbi Detin e Zi gjatë rrjedhës së luftës, por ky është ndërveprimi i parë i njohur i tillë, një përshkallëzim potencialisht i rrezikshëm në një kohë kritike të luftimeve.

tensionet rusi-shba

Sondazh

Poll

MË SHUMË