Bota

'Nëse je turist, atëherë vepro si turist'/ Bali planifikon të ndalojë motoçikletat turistike për shkak të shkeljes së rregullave

Ndalimi i propozuar do të zbatohet nëpërmjet një ligji rajonal këtë vit, por se si do të zbatohet është e paqartë.

14 Mars 2023, 17:35 Nga a.l
'Nëse je turist, atëherë vepro si turist'/ Bali
Tursitët në Bali

INDONEZI- Ishulli indonezian i Balit po planifikon të ndalojë turistët e huaj të përdorin motoçikleta pas një sërë rastesh që përfshijnë njerëz që shkelin rregullat e qarkullimit rrugor. 

"Ju nuk duhet të udhëtoni nëpër ishull duke përdorur motoçikleta, pa veshur këmisha apo rroba, pa helmetë dhe madje edhe pa licencë," tha Guvernatori I Wayan Koster.

Sipas propozimeve, turistët do të përdorin makinat e ofruara nga agjentët e udhëtimit. Më shumë se 171 shtetas të huaj kanë shkelur rregullat e qarkullimit rrugor nga fundi i shkurtit deri në fillim të marsit, sipas të dhënave të policisë lokale. Disa turistë përdorin edhe targa false, shkruan BBC. 

“Nëse je turist, atëherë vepro si turist”, tha guvernatori.

Turistët e huaj në Bali shpesh preferojnë të marrin motoçikleta me qira për të lëvizur nëpër ishull, i cili nuk ka një sistem transporti publik të zhvilluar mirë. Makinat me dy rrota janë një opsion i mirë për udhëtuar nëpër rrugicat e pasme piktoreske. Ndalimi i propozuar do të zbatohet nëpërmjet një ligji rajonal këtë vit, por se si do të zbatohet është e paqartë.

bali

Sondazh

Poll

MË SHUMË