Bota

Beteja për Bakhmutin/ Zelenskyy: Janë vrarë më shumë se 1000 ushtarë ukrainas

Kapja e qytetit do ta afronte Rusinë pak më afër qëllimit të saj për të kontrolluar të gjithë rajonin e Donetsk.

13 Mars 2023, 10:23 Nga a.l
Beteja për Bakhmutin/ Zelenskyy: Janë vrarë më shumë se
Lufta në Ukrainë

UKRAINË- Luftime të ashpra janë duke u zhvilluar në Bakhmut, qytetin lindor të Ukrainës. Presidenti Volodymyr Zelenskyy, tha se forcat ruse kishin pësuar më shumë se 1,100 vdekje në ditët e fundit. Ndërsa, Rusia tha se kishte vrarë më shumë se 220 pjesëtarë të shërbimit ukrainas gjatë 24 orëve të fundit. Sipas analistëve, pushtimi i Bakhmutit ka vlerë strategjike dhe është bërë një pikë qendrore për komandantët rusë që kanë luftuar për të dhënë lajmin pozitiv në Kremlin.

Kapja e qytetit do ta afronte Rusinë pak më afër qëllimit të saj për të kontrolluar të gjithë rajonin e Donetsk, një nga katër rajonet në Ukrainën lindore dhe jugore të aneksuar nga Rusia shtatorin e kaluar pas referendumeve të dënuar gjerësisht jashtë Rusisë si një mashtrim, shkruajnë mediat e huaja. 

“Në më pak se një javë, duke filluar nga 6 marsi, ne arritëm të vrisnim më shumë se 1,100 ushtarë armik vetëm në sektorin Bakhmut, humbje e pakthyeshme e Rusisë, pikërisht atje, afër Bakhmutit”, tha Zelensky në fjalimin e tij të natës me video.

Ai shtoi se 1500 ushtarë rusë u plagosën aq keq sa për t’i mbajtur ata jashtë veprimeve të mëtejshme. Ministria ruse e mbrojtjes tha se forcat ruse kishin vrarë “më shumë se 220 ushtarakë ukrainas”.

lufta ne ukraine

Sondazh

Poll

MË SHUMË