Sport

Rikthehet pas 525 ditësh në skuadër pasi fitoi betejën me kancerin!

Në majin e vitit të kaluar, Brooks njoftoi se e kishte kaluar sëmundjen dhe tashmë është më pranë se kurrë të ushtruarit pasionin e madh, futbollin.

12 Mars 2023, 18:00 Nga DOSJA
Rikthehet pas 525 ditësh në skuadër pasi fitoi betejën me

ANGLI - Bournemouth mori një fitore shumë të rëndësishme në shtëpi ndaj Liverpool me rezultatin 1-0. Një sukses që i dedikohet tërësisht David Brooks.

Lojtari i datëlindjes 1997 përjetoi një fatkeqësi së fundmi duke qenë se në vitin 2021 u diagnostifikua me kancer. Megjithatë, Brooks nuk u dorëzua kurrë dhe ia doli ta mposhtte me sukses sëmundjen e rëndë duke hedhur pas krahëve një pjesë të errët në historinë e jetës.

Në majin e vitit të kaluar, Brooks njoftoi se e kishte kaluar sëmundjen dhe tashmë është më pranë se kurrë të ushtruarit pasionin e madh, futbollin.

Kështu, në sfidën ndaj Liverpool, Brooks ishte pjesë e stolit të Bournemouth duke ndjekur nga pranë shokët e skuadrës. Një grumbullim që erdhi pas plot 525 ditësh me tifozët të cilët i dhuruan një pritje të ngrohtë 26-vjeçarit. Një histori speciale nga Premier League teksa triumfi i Bournemouth ndaj Liverpool u frymëzua nga rikthimi i Brooks.

B.T (Dosja.al)

Sondazh

Poll

MË SHUMË