Bota

Bisedime në Kinë/ Arabia Saudite dhe Irani rivendosin marrëdhëniet diplomatike pas 7 vitesh

Riadi ndërpreu marrëdhëniet me Teheranin pasi protestuesit iranianë sulmuan misionet diplomatike saudite në Republikën Islamike në vitin 2016 pas ekzekutimit saudit të klerikut shiit Nimr al-Nimr.

10 Mars 2023, 16:30 Nga a.l
Bisedime në Kinë/ Arabia Saudite dhe Irani rivendosin
Flamuri i Iranit

ARABIA SAUDITE- Irani dhe Arabia Saudite ranë dakord të rivendosin lidhjet dhe të rihapin misionet përkatëse diplomatike pas bisedimeve në Kinë, shtatë vjet pas ndërprerjes së marrëdhënieve. Riadi ndërpreu marrëdhëniet me Teheranin pasi protestuesit iranianë sulmuan misionet diplomatike saudite në Republikën Islamike në vitin 2016 pas ekzekutimit saudit të klerikut shiit Nimr al-Nimr.

“Pas bisedimeve, Republika Islamike e Iranit dhe Mbretëria e Arabisë Saudite kanë rënë dakord të rifillojnë marrëdhëniet diplomatike dhe të rihapin ambasadat dhe misionet brenda dy muajve”, tha agjencia zyrtare iraniane e lajmeve IRNA, duke cituar një deklaratë të përbashkët. 

Ali Shamkhani, sekretari i Këshillit të Lartë të Sigurisë Kombëtare të Iranit, kishte udhëtuar të hënën në Pekin për negociatat intensive me homologun e tij saudit në Kinë, në mënyrë që të zgjidhen përfundimisht problemet midis Teheranit dhe Riadit, shkruajnë mediat e huaja. 

Irani me shumicë shiite dhe Arabia Saudite myslimane sunite mbështesin palët rivale në disa zona konflikti në të gjithë Lindjen e Mesme, duke përfshirë në Jemen, ku rebelët Houthi mbështeten nga Teherani dhe Riadi drejton një koalicion ushtarak që mbështet qeverinë.

nimr al-nimr

Sondazh

Poll

MË SHUMË