Sport

Ribery shprehet hapur: “Objektivi im? Dua të bëhem trajner”...

Në një intervistë për median gjermane Sport-Bild të mërkurën, Franck Ribery zbulon synimin e tij për t'u bërë trajner. Ish-lojtari i kombëtares franceze aktualisht mban postin e zv.trajnerit të Salernitanas.

8 Mars 2023, 15:49 Nga DOSJA

Ribery shprehet hapur: “Objektivi im? Dua të bëhem

ITALI - Që kur shpalli fundin e karrierës tetorin e kaluar, Franck Ribery kishte refuzuar çdo kërkesë për intervistë. Këtë të mërkurë, ish-anësori i majtë i Bayern Munichut (2007-2019) theu heshtjen duke dhënë një intervistë të gjatë për të përjavshmen gjermane Sport-Bild. Që në fillim, ai zbuloi synimin e tij për t'u bërë trajner, ndërkohë që aktualisht zë pozicionin e zv.trajnerit te Salernitana, përkrah ish-lojtarit të Bordo, Paulo Sousa. 

“Të bëhem numër një? Po, ky është qëllimi im,- shpjegoi Ribery. - Aktualisht jam duke u përgatitur për t'u diplomuar. Marrja e postit të trajnerit do të më lejojë të rizbuloj këtë adrenalinë dhe këtë presion, që shoqëron stërvitjet dhe ndeshjet e përditshme. Unë nuk mund të jetoj pa të. Më duhet që të jem i lumtur”. 

Ai gjithashtu vlerësoi sulmuesin Kingsley Coman, pasardhësin e tij në Bavari. “King tani po e shfrytëzon plotësisht potencialin e tij me pjekuri të madhe. Ai e kapërcen ekipin e tij dhe vazhdon të japë shfaqje të klasit botëror. Ai pësoi shumë kritika, pas penalltisë së humbur në finalen e Botërorit, por e harroi shpejt këtë episod, sepse është i fortë mendërisht”.

Ribery shprehet hapur: “Objektivi im? Dua të bëhem

Ish-lojtari i kombëtares franceze (81 ndeshje - 16 gola) vlerësoi gjithashtu Kylian Mbappé. “Sot, Mbappé është programuar të bëhet pasardhësi i Lionel Messit në shkallë globale. Ai është plot freski, energji dhe është gjithmonë i uritur. Ai do të jetë rreziku kryesor për Bayernin. 

Së fundi, Ribery përmendi rastin Zinedine Zidane. “Unë e njoh mirë Zizun. Unë nuk e shoh atë të marrë frenat e një klubi, në një vend gjuhën e të cilit ai nuk e flet. Kjo është arsyeja pse e kam të vështirë të imagjinoj ta shoh atë te Bayern, përveç nëse ai dëshiron të mësojë gjermanisht.”

B.T (Dosja.al)

Sondazh

Poll

MË SHUMË