Sport

Liga Unike e koshit "ngre" flamurin në Vlorë

Ndërkohë që për meshkuj nuk funksionon, vajzat do të shpallin kampionen në Shqipëri

8 Mars 2023, 15:28 Nga DOSJA

Liga Unike e koshit "ngre" flamurin në Vlorë

TIRANE - Në kuadrin e 100-vjetorit të klubit shumësportësh, Flamurtari i qytetit të Vlorës, në bashkëpunim me Bashkinë, ka marrë përsipër zhvillimin e disa aktiviteteve sportive, mes tyre do të luhen edhe finalet e “Final Four” të basketbollit të femrave të Ligës Unike të Shqipërisë dhe Kosovës.

“Do të kemi javën sportive që do të jenë deri më 25 mars, por kulmi i këtyre festimeve do të jenë ndeshjet e “Final Four” të Ligës Unike me 4 skuadrat më të mira të trevave shqiptare. Aty ku u krijua shteti shqiptar, aty po bëjmë edhe “Final Four” të trevave shqiptare, që ne të jemi të bashkuar jo vetëm në sport, por në të gjtiha instancat që Kosova me Shqipërinë të jenë një,”- shprehet Klevis Kaso, drejtor i klubit shumësportësh Flamurtari, në një konferencë për shtypin.

Liga Unike e koshit "ngre" flamurin në Vlorë

Po cilat do të jenë 4 skuadrat pjesëmarrëse në këtë “Final Four”, që do të zhvillohet për Ligën Unike në Vlorë?

 “Gjithsej janë zhvilluar 30 ndeshje në fazën e rregullt të kampionatit dhe tani kemi mbërritur tek “Final Four”, i përcaktuar nga 4 skuadrat më të mira. Flamurtari, Prizreni edhe Penza janë të përcaktuara, ndërkohë Tirana luan në Prizren me Prizrenin dhe Flamurtari luan me Partizanin në Vlorë, dhe nga rezultati i këtyre ndeshjeve do të përcaktohet edhe skuadra e katërt,”- tregon Korab Llazani, sekretar i përgjithshëm i FSHB-së.

Liga Unike e koshit "ngre" flamurin në Vlorë

Për fat të keq Liga Unike për meshkuj nuk funksionoi siç ishte parashikuar dhe ngërçi mbetet te financat dhe mungesi i një buxheti të veçantë për të, por që presidenti i FSHB-së, Avni Ponari, shprehet optimist për të ardhmen.

“Normalisht Ministria e Financave duhet ta bënte që këtë vit, ta përfshinte Ligën, unë kisha bërë disa takime dhe mendoja që Liga Unike do të kishte një buxhet të veçantë, por nuk ndodhi. Besoj që zgjidhja e problemeve të sportit mbetet si gjithmonë Ligji i Sponsorizimeve, një ligj që do të krijojë hapësira për të gjithë për të qenë pjesë e sportit sepse sportet dhe biznesi rriten bashkë,”- deklaroi presidenti i koshit shqiptar, Avni Ponari për Top Channel.

B.T (Dosja.al)

Sondazh

Poll

MË SHUMË