Sport

Edi Reja "nuk e mban fjalën", rikthehet në pankinë te skuadra e qytetit të tij!...

Italiani do të pasojë në stol Miran Srebrnic, i cili u shkarkua pas një sërë rezultatesh negative. ND Gorica është aktualisht në vendin e fundit të kampionatit (vendi 10) me 15 pikë, tre pikë më pak se pozita e nëntë që të çon në ‘play-off’ për të qëndruar në elitë, ndërsa zona e sigurisë është katër pikë larg.

2 Mars 2023, 21:30 Nga DOSJA
Edi Reja "nuk e mban fjalën", rikthehet në pankinë te

ITALI - Ish-trajneri i kombëtares shqiptare të futbollit, Edoardo Reja ka marrë drejtimin e ND Goricas në elitën e futbollit slloven. Kanë qenë këta të fundit që kanë emëruar 77-vjeçarin në stolin e ekipit dhe bashkë me të edhe Sergio Porrini dhe Luigi Febbrari, si ndihmësa.

Reja ka drejtuar klube të shumta në karrierë, duke përfshirë Hajdukun, Lazion, Napolin, Cagliarin, Atalantan dhe Torinon, e së fundmi edhe kombëtaren e Shqipërisë.

Italiani do të pasojë në stol Miran Srebrnic, i cili u shkarkua pas një sërë rezultatesh negative. ND Gorica është aktualisht në vendin e fundit të kampionatit (vendi 10) me 15 pikë, tre pikë më pak se pozita e nëntë që të çon në ‘play-off’ për të qëndruar në elitë, ndërsa zona e sigurisë është katër pikë larg.

Vlen të theksohet se kjo është skuadra e vendlindjes së tij dhe qyteti ku ai banon, e me sa duket, ka qenë e vështirë të refuzonte pikërisht këtë ofertë në këto rrethana për të mbyllur përfundimisht karrierën e tij si trajner, edhe pse pas largimit nga Shqipëria, deklaroi se nuk do të drejtonte më nga pankina ndonjë skuadër futbolli, ndoshta në poste drejtuese mund të ishte më e përshtatshme edhe për shkak të moshës, por me sa duket ndodh edhe kështu.

B.T (Dosja.al)

Sondazh

Poll