Sport

Shpërthejnë pakënaqësitë ndaj FIFA-s për zgjedhjen e Adriana Limas si imazhin e tifozëve për Botërorin e ardhshëm!

Ish-anëtarja e Këshillit të FIFA-s, Moya Dodd, tha se vendimi i organit qeverisës botëror për të emëruar modelen Adriana Lima si ambasadore globale të tifozëve për Botërorin e ardhshëm të Femrave ishte konfuz dhe dërgoi mesazhin e gabuar për lojtarët dhe tifozët.

2 Mars 2023, 18:51 Nga DOSJA

Shpërthejnë pakënaqësitë ndaj FIFA-s për zgjedhjen

ZVICER - Presidenti i FIFA-s, Gianni Infantino tha se Lima "jeton dhe merr frymë në futboll" dhe do të marrë pjesë në zhvillimin dhe promovimin e iniciativave globale përpara Kupës së Botës, e cila fillon më 20 korrik në Australi dhe Zelandën e Re.

Dodd, një ish-lojtare e Kombëtares Australiane,nuk pajtohet me vendimin e FIFA-s

- Kur një vajzë luan futboll, bota e sheh atë në një mënyrë tjetër. Në vend që të komplimentohet për pamjen e saj ose një fustan të bukur, ajo vlerësohet për lëvizjet e saj që ndryshojnë lojën ose për golat e shkëlqyer. Ajo është e admiruar për atë që bën, në vend të asaj që duket, duke e vënë atë në një pozitë të barabartë me motrat e saj në një mënyrë që mund të ndryshojë të gjithë trajektoren e ambicieve të saj të jetës - tha Dodd, raportoi BBC.

- Në vitin e Kupës së Botës, ai mesazh duhet të jehojë në mbarë botën. Aty ku përshtatet një supermodele është vërtet konfuze – shtoi ish-futbollistja 57-vjeçare.

Shpërthejnë pakënaqësitë ndaj FIFA-s për zgjedhjen

Dodd, e cila ishte anëtare komitetit të Australisë dhe Zelandës së Re që fitoi Kupën e Botës, tha se imazhi i Adriana Lima ishte i pazakontë për një organizatë që thotë se dëshiron të fuqizojë vajzat dhe gratë.

- Pyes nëse ambasadorja e FIFA-s do të përcjellë mesazhe për imazhin e trupit, mirëqenien dhe ushqimin e shëndetshëm. Çfarë do të përfaqësojë kjo ambasadore për popullsinë e madhe dhe në rritje të futbollisteve dhe tifozëve femra që e duan lojën sepse na tregon se si mund të duken fuqizimi dhe barazia”, pyeti Dodd.

Dodd ishte anëtare e Këshillit të FIFA-s nga viti 2013 deri në vitin 2016. Ajo kujtoi deklaratën e Lima-s nga viti 2006, kur tha se aborti është një krim.

Përfaqësuesit e mediave të Lima-s thanë se ajo e ka ndryshuar atë qëndrim dhe se qëndrimi i saj për shumë çështje të komunitetit LGBTQIA+ dhe çështjet e grave "ka evoluar dhe shihet si aleate".

B.T (Dosja.al)

Sondazh

Poll

MË SHUMË