Bota

Shkaktoi tragjedinë hekurudhore në Greqi/ Zbulohet GABIMI i dytë i stacionistit: Pa trenin në drejtim të gabuar për 5.5 km

Konsulenti i menaxhimit të OSE, Pavlos Terezakis shpjegoi se stacionisti pa për 5.5 km trenin e pasagjerëve që lëvizte në drejtimin e gabuar, në zbritje drejt Athinës në vend të ngjitjes për në Selanik.

2 Mars 2023, 12:39 Nga a.l
Shkaktoi tragjedinë hekurudhore në Greqi/ Zbulohet GABIMI i dytë
Aksidenti në Larisa

GREQI- Më shumë se një duket se kanë qenë gabimet e stacionistit të Larisës që shkaktuan përplasjen e trenave në Tempi mbrëmjen e së martës, ku deri më tani raportohet se kanë ndërruar jetë 47 persona. Konsulenti i menaxhimit të OSE, Pavlos Terezakis shpjegoi se stacionisti pa për 5.5 km trenin e pasagjerëve që lëvizte në drejtimin e gabuar, në zbritje drejt Athinës në vend të ngjitjes për në Selanik. Më konkretisht, pas sinjalit fatal që i dha inxhinierit të trenit 'Intercity 62', stacionisti duket se sipas asaj që tha drejtuesi i OSE-së, nuk ka përdorur aftësitë teknologjike që kishte në rregull për të ndaluar trenin në kohë. 

"Stacioni i Larisës ka një panel kontrolli sinjalistik lokal, para dhe pas stacionit në një distancë ka sinjale të lehta dhe ndryshime që tregojnë praninë e trenit. Pse mjeshtri i stacionit nuk ka mundur të parkojë trenin deri në 5.5 km pas stacionit është çështje e hetimit të komitetit. Nëse do të kishte parë panelin e punës – sepse e kontrollova para se të vinte hetuesi dhe t’ia tregonte – për 5.5 km mund të kishte parë trenin të hynte në binarin e kundërt dhe do të ishte shmangur fataliteti”, tha fillimisht zoti Terezakis për SKAI-n.

Numri i të vdekurve deri tani raportohet të jketë shkuar në 47. Ngjarja e rëndë ndodhi pak para mesnatës së të martës në Greqi. Dy trena u përplasën me njëri-tjetrin duke shkaktuar një zjarr që deri më tani iu ka marrë jetën 44 personave. Një tren me 350 pasagjerë që po udhëtonte nga Athina drejt Selanikut u përplas me një tren mallrash. Shkak për shpërthimin e zjarrit dyshohet se është bërë prerja e një kablli elektrik në njërën prej vagonët të trenit me pasagjerë që në momentin e përplasjes ka rezultuar fatal./Dosja.al

tragjedia e trenave ne greqi

Sondazh

Poll

MË SHUMË