Bota

Dyshohet si shkaktar kryesor për tragjedinë me 47 të vdekur në Greqi, stacionisti mbërrin në prokurori, ja akuzat me të cilat do të përballet

Ndaj shefit të stacionit është ngritur një dosje për krime të rënda. 

2 Mars 2023, 10:50 Nga a.l
Dyshohet si shkaktar kryesor për tragjedinë me 47 të vdekur
Aksidenti në Greqi

GREQI- Stacionisti i trenit të Larisës i cili dyshohet se është shkaktari kryesor i aksidentit fatal me rreth 47 të vdekur deri më tani, ka mbërritur në prokurori ku do të njihet me akuzat për këtë tragjedi. Drejtuesi i stacionit ka rrfëyer para hetuesëve gabimin që solli në përplasjen fatale të trenave. Edhe pse fillimisht ai pretendoi se aksidenti ishte për shkak të një gabimi të sistemit, duke thënë se e kuptoi kur u informua për atë që kishte ndodhur, ai në fund pranoi se kishte drejtuar trenin e pasagjerëve në shina të gabuara.

Por për çfarë veprash pritet të ndiqet penalisht? Ndaj shefit të stacionit është ngritur një dosje për krime të rënda. Prokurori publik pritet të ngrejë kallëzim penal kundër tij për prishje të sigurisë së transportit me pasojë vdekjen e disa personave, vepër e karakterit të krimit, e cila në bazë të ndryshimit të fundit të Kodit Penal (neni 291 i Kodit Penal), përfshin dënime nga 10 vjet burgim deri në burgim të përjetshëm, raporton Protothema.gr 

Do të ngrihen ndjekje penale për vrasje seri nga pakujdesia. Sipas avokatëve, paraburgimi i komandantit konsiderohet i sigurt. Për shkak të rëndësisë madhore të çështjes, edhe deklarata paraprake e drejtuesit të stacionit është bërë në prani të prokurorit. Njëkohësisht, sot, në prani të prokurorit publik, në vendin e ngjarjes tragjike do të kryhet autopsia nga Policia Rrugore e Larisës.

TPas ndjekjes penale ndaj drejtuesit të stacionit, pritet që çështja të kalojë në seancën plenare të Gjykatës së Apelit Larisa, me qëllim kalimin e çështjes në hetues të posaçëm të apelit. Megjithatë, gjatë hetimeve paraprake për ngjarjen tragjike, prokuroria do të zgjerojë hetimin. Dhe kjo pasi, përveç përgjegjësive të komandantit të stacionit, do të kërkojnë edhe përgjegjësitë e personave të tjerë që janë të lidhur dhe kanë një rol vendimtar në objektet, funksionimin etj. të rrjetit hekurudhor.

tragjedia e trenave ne greqi

Sondazh

Poll