Sport

VAR kundër Goal Line, kështu ka vendosur arbitri francez Benoît Bastien…

Fakt unik, një gol i vërtetuar nga Goal Line, u refuzua nga një gjyqtar pasi u konsultua me imazhet e VAR. Ngjarja ka ndodhur këtë të enjte, në ndeshjen mes Fiorentinës dhe Bragës në kuadër të Conference League.

24 Shkurt 2023, 18:03 Nga DOSJA

VAR kundër Goal Line, kështu ka vendosur arbitri francez Benoît

ITALI - Ka pro dhe anti-VAR. Teknologjia e Goal Line, ishte plotfuqishme... deri të enjten në mbrëmje. Gjatë ndeshjes së kthimit të ‘play-off’-it të Conference League ndërmjet Fiorentinës dhe Bragës, një gjyqtar francez guxoi të refuzonte një gol, të vërtetuar nga Goal Line, pasi ishte konsultuar me imazhet e VAR-it. Ai është francez që quhet Benoît Bastien.

Në një krosim në hyrje të zonës portugeze, Cabral besoi se do të ofrojë golin e barazimit, duke e fituar topin me kokë. Asnjë shqetësim nga ana e arbitrit francez që do të thotë se ora e tij vibroi, duke konfirmuar golin për Fiorentinën. Megjithatë, gëzimi i italianëve është jetëshkurtër. Pas pak çastesh, u pa Benoît Bastien të vendosë dorën në vesh për të komunikuar me gjyqtarët ndihmës.

Jemi në minutën e 49-të të kësaj ndeshje dhe për dy minuta të gjata është një turbullim total. Më pas francezi vendos të shkojë dhe të konsultojë imazhet për të krijuar mendimin e tij. Shikimi shtrihet në gjatësi dhe, padyshim, imazhet nuk konfirmojnë se topi ka kaluar tërësisht vijën e portës.

VAR kundër Goal Line, kështu ka vendosur arbitri francez Benoît

Pas katër minutash të tjera pritjeje, arbitri merr një vendim historik: zhvlerëson vendimin e Goal Line dhe u refuzon golin italianëve. Megjithatë, në imazhet 3D të teknologjisë së vijës së golit, topi e kalon vijën për disa milimetra. Pse Benoît Bastien refuzoi golin? A ka qenë Goal Line viktimë e një gabimi kompjuterik? Ky vendim ngre një ton pyetjesh me të cilat kundërshtarët e asistencës teknologjike me siguri do të përballen.

Në fund, ky vendim nuk pati asnjë pasojë në kualifikimin e italianëve. Fitorja në ndeshjen e parë 4-0 nga Fiorentina, e cila po humbiste 1-2 para incidentit, në fund arriti të përmbysë situatën, duke fituar 3-2 me golin e fundit të shënuar nga një… Cabral, festimi i të cilit imitoi gjestin duke iu drejtuar VAR-it.

B.T (Dosja.al)

Sondazh

Poll

MË SHUMË