Politike

Protesta e PD, Alimehmeti: Jemi vënë përballë një kanceri korrupsioni

Alimehmeti u shpreh se qytetarët vendosur të qëndrojnë në Shqipëri dhe të përballen me atë që ai e quan “kancer korrupsioni”.

11 Shkurt 2023, 13:32 Nga A.B
Protesta e PD, Alimehmeti: Jemi vënë përballë një
Ilir Alimehmeti

TIRANË- Mjeku Ilir Alihmeti, mori fjalën në protestën e opozitës. Ai u shpreh se qytetarët vendosur të qëndrojnë në Shqipëri dhe të përballen me atë që ai e quan “kancer korrupsioni”. Mjeku kërkon nga shqiptarët që të marrin në dorë fatin e tyre, duke mos lejuar që të qeverisen nga një person si Rama.

“Rama ik. Jemi shumë, shihni rreth e rrotull, jemi shumë. Janë qindra ata që po varin shpresat tek ne, sot e në të ardhmen. Pse vendosëm të sfidojmë muajin më të ftohtë të vitit. Ç’a i mbetet prindit po i iku fëmija, Shqipërisë po i iku rinia. Ua njohim zemrën atyre, nuk kanë asgjë, të ftohtin e kanë për ne, sëmundjen për ne.

Jemi vënë përballë një kanceri korrupsioni, që ka shkuar ndërkombëtar, një hemorragjie shpopullimi, humbje pagjumësie nga sistemi i drejtësisë shurdh. Kemi dy mundësi, të qëndrojmë të përballemi, apo të largohemi si gjethe të shpëndame nga stuhia. Ne do të qëndorjmë , të përballemi, jemi të vendosur të largojmë ata që janë shkaktar të këtyre sëmundjeve. Ta marrin fatin e shqiptarëve vete. Ata nuk ikin vetë”, tha ndër të tjera Ilir Alimehmeti. 

Opozita nisi sot protestën në orën 12:00. Kjo protestë është cilësuar si sipari i një revolucioni për largimin e qeverisë Rama. Protesta u paralajmërua pas publikimit të dosjes së ish-agjentit të FBI-së Charles McGonigal, i akuzuar oër korrupsion. Dosja zbuloi dhe takimet e McGonigal me kryeministrin Rama dhe ndikimin e kreut të qeverisë në FBI për të dobësuar Opozitën. Protestuesit u grumbulluan fillimisht para selisë blu dhe më pas me shtimin e tyre kanë zbritur në bulevardin "Dëshmorët e Kombit". Turmës i është bashkuar dhe kryedemokrati Sali Berisha. Pas tij në shesh ka dalë dhe kreu i Partisë së Lirisë Ilir Meta e deputetja Monika Kryemadhi. Policia e Shtetit ka mobilizuar rreth 1200 efektivë për mbarëvajtjen e protestës së opozitës, e cila do të mbahet këtë të shtunë para Kryeministrisë.

ilir alimehmeti protesta e pd 11 shkurt 2023

Sondazh

Poll