Politike

Salianji i bashkohet protestës së opozitës: Do të jem këtu me qytetarët sado që të zgjasë!

Ervin Salianji tha se do të qëndrojë në mbështetje të qytetarëve.

11 Shkurt 2023, 13:25 Nga k.m.
Salianji i bashkohet protestës së opozitës: Do të jem
Ervin Salianji

TIRANË- Deputeti i Partisë Demokratike Ervin Salianji i është bashkuar protestës së sotme para Kryeministrisë. I pyetur për skenarin dhe kohëzgjatjen e këtij tubimi, Salianji u shpreh se nuk ka asnjë ide se çfarë ndodh me organizimin e tubimit, por shtoi se ai do të qëndrojë në mbështetje të qytetarëve.

“Duhet të pyesni organizatorët. Unë do të jem këtu me qytetarët derisa të zgjasë dhe për çfarëdo lloj vendimi që do të marrin,”- tha Salianji.

Opozita nisi sot protestën në orën 12:00. Kjo protestë është cilësuar si sipari i një revolucioni për largimin e qeverisë Rama. Protesta u paralajmërua pas publikimit të dosjes së ish-agjentit të FBI-së Charles McGonigal, i akuzuar oër korrupsion. Dosja zbuloi dhe takimet e McGonigal me kryeministrin Rama dhe ndikimin e kreut të qeverisë në FBI për të dobësuar Opozitën. Protestuesit u grumbulluan fillimisht para selisë blu dhe më pas me shtimin e tyre kanë zbritur në bulevardin "Dëshmorët e Kombit". Turmës i është bashkuar dhe kryedemokrati Sali Berisha. Pas tij në shesh ka dalë dhe kreu i Partisë së Lirisë Ilir Meta e deputetja Monika Kryemadhi. Policia e Shtetit ka mobilizuar rreth 1200 efektivë për mbarëvajtjen e protestës së opozitës, e cila do të mbahet këtë të shtunë para Kryeminsitrisë.

ervin salianji protesta e pd 11 shkurt 2023

Sondazh

Poll