Bota

Ambasadorja amerikane në Rusi takon Zv. ministrin e Jashtëm rus, pritet me brohorima nga protestuesit: Amerika është një vend terrorist

Ajo u miratua si ambasadore e SHBA në Rusi nga Senati amerikan më 21 dhjetor 2022.

30 Janar 2023, 16:14 Nga a.l
Ambasadorja amerikane në Rusi takon Zv. ministrin e Jashtëm rus,
Lynne Tracy

UKRAINË- Ambasadorja e re e Shteteve të Bashkuara në Rusi, Lynne Tracy, ka mbërritur në ministrinë e jashtme të Rusisë për herë të parë që nga emërimi i saj në këtë post. Mediat e huaja raportojnë se ajo ka hyrë në ndërtesën e ministrisë pa bërë asnjë koment. Ajo pritet të takohet me zëvendësministrin e jashtëm rus Sergej Ryabkov për të dorëzuar letrat kredenciale.Trejsi u prit nga protestuesit që u mblodhën para ambasadës amerikane, të cilët brohorisnin "Pse erdhe këtu?", "Lufta është biznes i SHBA", "Amerika është një vend terrorist" etj.

Ajo u miratua si ambasadore e SHBA në Rusi nga Senati amerikan më 21 dhjetor 2022. Ajo është gruaja e parë që shërben si ambasadore e SHBA në Rusi.

Tracy deri vonë kishte shërbyer si e dërguara e Uashingtonit në Armeni që nga viti 2019. Në fund të nëntorit, ajo tha në seancat dëgjimore të Senatit se ishte dakord me politikën e Uashingtonit për Rusinë dhe mbështeti sanksione më të ashpra anti-ruse. Po ashtu, ajo tha gjithashtu se prioriteti i saj kryesor do të ishte lirimi i shtetasve amerikanë që vuajnë dënimet me burg në Rusi./ Dosja.al

lufta ne ukraine lynne tracy

Sondazh

Poll