Bota

Pjesë e spiunazhit rus, arrestohen dy persona në Slloveni

Operacioni për kapjen e spiunëve të dyshuar, që thuhet se është kryer nga Agjencia Sllovene e Inteligjencës dhe Sigurisë është ndërmarrë në bashkëpunim me shërbimet e sigurisë së vendeve të tjera, pasi celula spiune thuhet se po kryente operacione edhe jashtë Sllovenisë.

30 Janar 2023, 15:35 Nga a.l
Pjesë e spiunazhit rus, arrestohen dy persona në Slloveni
spiun rus

SLLOVENI- Dy persona, të cilët dyshohet se janë pjesë e spiunazhit rus, janë arrestuar nga autoritetet në Slloveni. Mediat e huaja raportojnë se dy të dyshuarit ishin shtetas të një vendi të paidentifikuar të Amerikës së Jugut dhe kishin marrë identitete të rreme në tregtinë e pasurive të paluajtshme dhe antike. Ata u arrestuan në një zyrë me qira në lagjen Bezhigrad të Lubjanës.

Zyra e Prokurorisë Shtetërore të Qarkut në Lubjanë ka marrë një njoftim nga Agjencia Sllovene e Inteligjencës dhe Sigurisë, në bazë të të cilit janë nisur procedurat paraprake,” tha zyra e prokurorisë së Lubjanës. Prokuroria tha se procedurat ligjore ishin në vazhdim dhe nuk do të konfirmonin zyrtarisht akuzat.

Operacioni për kapjen e spiunëve të dyshuar, që thuhet se është kryer nga Agjencia Sllovene e Inteligjencës dhe Sigurisë është ndërmarrë në bashkëpunim me shërbimet e sigurisë së vendeve të tjera, pasi celula spiune thuhet se po kryente operacione edhe jashtë Sllovenisë. Shërbimet e sigurisë në mbarë Evropën kanë goditur spiunët e dyshuar rusë që veprojnë në kontinent pas pushtimit rus të Ukrainës. Gjermania ka bërë dy arrestime të lidhura me spiunazh brenda agjencisë së saj të inteligjencës së huaj./ Dosja.al

arrestohen dy spiune ne slloveni

Sondazh

Poll