Sport

Vajza që u përdhunua nga Tyson, tregon ngjarjen në limuzinë

Legjenda e boksit, Mike Tyson akuzohet për përdhunimin e një gruaje në fillim të viteve 1990. Gruaja, e cila nuk është identifikuar nga mediat e huaja, ka ngritur një padi ndaj ish-boksierit në fillim të muajit maj.

24 Janar 2023, 22:09 Nga DOSJA

Vajza që u përdhunua nga Tyson, tregon ngjarjen në limuzinë

ANGLI - Pavarësisht se nuk jep një datë të caktuar për ngjarjen, ajo pretendon se Tyson e përdhunoi brenda limuzinës së tij, duke i shkaktuar dëm psikologjik dhe fizik. Daily Mail ka publikuar një pjesë nga dëshmia e saj:

"Unë hipa në limuzinën e Tyson për të shkuar tek shtëpia e një shoqes time. Tyson filloi menjëherë të më prekte dhe u përpoq të më puthë. Unë i thashë disa herë jo dhe i kërkova të ndalonte, por ai vazhdoi. Më pas, ai hoqi pantallonat dhe më përdhunoi në limuzinë".

Gruaja që paditi Tyson kërkon që të ruajë anonimitetin e saj, pasi tha se po të identifikohet, i rrezikohet jeta.

“Si rezultat i përdhunimit të Tyson, unë vuajta dhe vazhdoj të vuaj nga lëndimi fizik, psikologjik dhe emocional”, thuhet në dosje. “Kam përjetuar ndjenja faji, humbje të respektit për veten, turp, siklet, trishtim, zemërim, depresion, ankth, tendenca të dhunshme, varësi nga droga dhe alkooli dhe konfuzion si rezultat i përdhunimit brutal.

Gruaja po kërkon të ruajë anonimitetin e saj sepse, tha ajo, publikimi i emrit të saj "me siguri do të përbënte një rrezik për mua për dëmtim të mëtejshëm mendor, ngacmim, tallje ose siklet personal". Ajo gjithashtu ndau me të emocionet që pretendon se pësoi si rezultat i sulmit të supozuar.

Avokati i gruas, Darren Seilback, tha në një dosje të veçantë se zyra e tij nuk e mori thjesht fjalën e gruas, por hetoi pretendimet e saj dhe përcaktoi se ato janë “shumë të besueshme”.

Kjo nuk është hera e parë që Tyson përballet me akuza për përdhunim. Në vitin 1992, ai u dënua me 3 vite burg për përdhunimin e një modeleje që merrte pjesë në konkursin e bukurisë “Desiree Washington”.

Tyson, i lindur në Brooklyn, 56 vjeç, fitoi adhurim si kampioni i padiskutueshëm botëror i peshave të rënda nga viti 1987 deri në 1990, por jeta e tij jashtë ringut ka qenë e turbullt.

Ish-gruaja e Tyson, aktorja Robin Givens, tha në dokumentet e divorcit se martesa e tyre në fund të viteve 1980 karakterizohej nga 'tërbime të paprovokuara të dhunës dhe shkatërrimit'.

Vajza që u përdhunua nga Tyson, tregon ngjarjen në limuzinë

B.T (Dosja.al)

Sondazh

Poll

MË SHUMË