Sport

Uzuni do t’i mungojë përsëri Granadës, sulmuesi shqiptar nuk duket në stërvitje...

Sulmuesi shqiptar ka pësuar një dëmtim muskulor dhe dyshohet se do të luajë kundër Ibizës

17 Janar 2023, 16:44 Nga DOSJA
Uzuni do t’i mungojë përsëri Granadës, sulmuesi

SPANJE - Myrto Uzuni ka munguar në seancën e parë stërvitore të javës për t'u përgatitur për ndeshjen e së shtunës së ardhshme ndaj Ibizës. Sulmuesi i kombëtares shqiptar dhe golashënuesi më i mirë në ligës dy spanjole, është tërhequr në minutën e fundit në ndeshjen e javës së kaluar kundër Levantes. Një dëmtim muskulor bëri ta humbasë atë duel.

Víctor Meseguer dhe Rubén Rochina gjithashtu vazhdojnë të jenë në pushim për shkak të dëmtimeve. Ky i fundit do të humbasë pjesën e mbetur të sezonit, për t’iu nënshtruar një operacioni nga një dëmtim i rëndë në gju. Portieri portugez André Ferreira, i cili së shpejti mund të marrë largimin përfundimtar, është duke u ndjerë më mirë.

Ndërkohë, Matías Arezo është ende në ekip. Synimi i klubit është t'i japë atij një rrugëdalje në merkaton e dimrit dhe është Peñarol de Montevideo ai që ka shanset më të mira për të qenë destinacioni i tij në huazim. Negociatat janë ende në vazhdim.

B.T (Dosja.al)

Sondazh

Poll

MË SHUMË