Politike

Arrestimi i Sekretarit të Përgjithshëm Arlind Gjokutaj, Balla: S'kam komente, lëreni drejtësinë të bëjë punën e saj

Ai shtoi se drejtësia duhet të bëjë punën e saj dhe se përgjegjësitë penale dhe ligjore janë personale. 

16 Janar 2023, 11:47 Nga F.M
Arrestimi i Sekretarit të Përgjithshëm Arlind Gjokutaj, Balla:
Taulant Balla

TIRANË- Kreu i grupit Parlamentar të Partisë Socialiste Taulant Balla nuk ka preferuar të japë asnjë koment në lidhje me arrestimin e Sekretarit të Përgjithshëm të Ministrisë së Financave, Arlind Gjokutaj, i cili u vu në pranga pas mashtrimit 1.2 milionë eurish. Në një prononcim për mediat, pas mbledhjes së grupit në selinë rozë, Balla tha se nuk mund të flasë për punën e drejtësisë. Ai shtoi se drejtësia duhet të bëjë punën e saj dhe se përgjegjësitë penale dhe ligjore janë personale. 

"Unë nuk kam asnjë koment kur bëhet fjalë për arrestime. Përgjegjësitë penale dhe ligjore janë personale. Lëreni drejtësinë të bëjë punën e vet,"- tha Balla ndër të tjera. 

Kryesocialisti Edi Rama ka mbledhur ditën e sotme grupin e Partisë Socialiste. Ky takim vjen vetëm pak orë para mbledhjes së Kuvendit të Shqipërisë që nis sot sesionin e ri parlamentar. Mësohet se i pranishëm në mbledhje ishte edhe deputeti Agron Çela, i cili i është bashkuar së fundmi PS-së pasi la Partinë e Lirisë. Në mbledhje u diskutuan edhe objektivat me strukturat vendore për 14 majin, si edhe qëndrimi me opozitën. Në fokus ishte edhe performanca e ministrave dhe deputetëve në aktivitetin parlamentar, ku deri më tani, mësohet se ë lavdëruar Elisa Spiropali, ndërsa në optikën kritike, ishte Ministrja e Punëve të Jashtme Olta Xhaçka.

taulant balla rama mbledh grupin 16 janar 2023

Sondazh

Poll