Politike

Nis nesër sesioni i ri parlamentar, çfarë pritet të ndodhë në Kuvend/ Salianji "VS" Alibeajt për kreun e grupit, Rama hyn me "+1"

Po ashtu, pritet të hapet procedura për Avokatin e Popullit, proces të cilin palët politik nuk e përfunduan në fund të vitit të kaluar. Pika të tjera që do të diskutohen janë; ndalimi i spiunëve në funksionet publike, e po ashtu amnistia fiskale dhe pasaportat e arta.

15 Janar 2023, 17:33 Nga k.m.
Nis nesër sesioni i ri parlamentar, çfarë pritet të
Foto ilustruese

TIRANË- Deputetët e Kuvendit të Shqipërisë pritet t’i rikthehen nesër parlamentit pas pushimeve. Nesër, në orën 16:00 të së hënës do të mbahen seanca e parë për sesionin e katërt të parlamentit. Fillimisht do të mbajë një fjalim kryetarja e Kuvendit, Lindita Nikolla do të bëjë një bilanc të sesionit që u la pas; e pas saj do të mbajë një fjalë përshëndetëse secili nga krerët e grupeve parlamentare. Këtu komplikohet pak, pasi deri nesër Ervin Salianji mund të mbledhë firmat e nevojshme për të shkarkuar nga detyra Enkelejd Alibeajn, në kuadër të procesit të ri të nisur brenda Partisë Demokratike. 

Po ashtu, pritet të hapet procedura për Avokatin e Popullit, proces të cilin palët politik nuk e përfunduan në fund të vitit të kaluar. Pika të tjera që do të diskutohen janë; ndalimi i spiunëve në funksionet publike, e po ashtu amnistia fiskale dhe pasaportat e arta. Të dyja janë kundërshtuar nga organizmat ndërkombëtar, por shumica socialiste shprehet e vendosur për t’u dhënë jetë të dyja iniciativave. Demokratët duket se do të kenë për të detyrë që të ndalojnë kalimin e dy ligjeve, për të cilat edhe ata kanë dalë kundër. 

Parlamenti pritet të shqyrtojë edhe ligjin për dekoratat, të kthyer 2 ditë më parë nga presidenti Bajram Begaj, i pari kthim që nga marrja e detyrës si kreu u shtetit. 

Ndërkohë që nga selia blu pritet një kryetar tjetër grupi, socialistët do të hyjnë në sallë +1 karrige. Kjo pasi Agron Çela do të ndërrojë vend duke u reshtuar me kolegët e tij të rinj socialistë, duke shtuar dhe numrin e mandateve në Shkodër. 

kuvendi i shqiperise seance plenare 16 janar 2023

Sondazh

Poll