Sport

FIFA, sot përzin goglat për shortin e Kupës së Botës midis Klubeve për 2022…

FIFA konfirmon datën dhe orën për përcaktimin e rivalëve të Flamengos dhe Real Madridit, në eventin që do të zhvillohet 1 deri më 11 shkurt në Marok

13 Janar 2023, 06:53 Nga DOSJA
FIFA, sot përzin goglat për shortin e Kupës së Botës

ZVICER - Flamengo dhe Real Madrid janë gati për të përmbushur synimet e tyre në Kupën e Botës midis Klube të FIFA-s. Qeveria e futbollit botëror konfirmoi se shorti për ndeshjet në kompeticion do të hidhet këtë të premte paradite, në Akademinë e Futbollit Mohammed VI, në Salé, në kryqytetin Rabat të Marokut. 

Dy skuadrat Flamengo dhe Real Madridi, do të kalojnë direkt në gjysmëfinale dhe do t’i njohin kundërshtarët e tyre, në fakt, vetëm gjatë garës. Përveç kampionëve të Amerikës së Jugut dhe Europës, në turne janë konfirmuar edhe Al Ahly (kampion i Afrikës), Auckland City (kampion i Oqeanit), Al Hilal (kampion i Azisë), Seattle Sounders (kampion i Amerikës Qendrore dhe Veriore) dhe Wydad. Casablanca ( përfaqësuesi i vendit pritës).

Ndeshja e parë është vendosur para shortit dhe do të jetë ajo mes Al Ahly dhe Auckland City, ndërsa më pas do të hidhet edhe shorti për ndeshjet e tjera. Kupa e Botës për Klubet do të mbahet nga 1 deri më 11 shkurt në Marok. Qytetet pritëse ende nuk janë konfirmuar zyrtarisht, por tendenca është që të jenë në Tangierja dhe kryeqytetin Rabat. Këtë të enjte, FIFA publikoi logon zyrtare për edicionin e Botërorit 2022, e cila është frymëzuar nga trofeu që është bërë tradicional në këtë kompeticion.

B.T (Dosja.al)

Sondazh

Poll

MË SHUMË