Sport

E kaloi rrezikun! Nëntë ditë pas arrestit kardiak, Damar Hamlin del nga spitali...

Futbollisti i Buffalo Bills u largua nga qendra mjekësore e Buffalos

11 Janar 2023, 19:16 Nga DOSJA
E kaloi rrezikun! Nëntë ditë pas arrestit kardiak, Damar Hamlin

SHBA - Damar Hamlin doli nga spitali të mërkurën, nëntë ditë pasi pësoi një arrest kardiak në një ndeshje të Ligës së Futbollit të Amerikës së Veriut (NFL), thane zëdhënësit e Buffalo Bills.

"Damar Hamlin u largua nga Qendra Mjekësore e Përgjithshme në Buffalo sot. Hamlin u pranua të hënën dhe iu nënshtrua një vlerësimi të gjerë mjekësor të martën, si dhe një sërë testesh kardiake, neurologjike dhe vaskulare",- thuhet në një mesazh nga Bills, në rrjetin social Twitter.

Mjeku Jamie Nadler siguroi se "një seri e plotë testesh dhe vlerësimesh" ishin bërë dhe se "Damar mund të largohet me siguri nga spitali për të vazhduar rehabilitimin e tij në shtëpi sipas porosive". 

Më 2 janar, Damar Hamlin u shtrua në spital në "gjendje kritike", pasi u rrëzua në fushë në një ndeshje NFL kundër Bengals. Gjatë çerekut të parë të ndeshjes kundër Cincinnati Bengals, Damar Hamlin, 24 vjeç, u përplas me një kundërshtar, u ngrit, por u rrëzua menjëherë përsëri në fushë.

"Damar Hamlin pësoi arrest kardiak pas përplasjejes, rrahjet e zemrës iu rikthyen ndërsa ishte në fushë dhe ai u transportua në Spitalin e Universitetit të Cincinnati për testime dhe trajtim të mëtejshëm”,- tha ekipi në një deklaratë për episodin.

Lojtarët e të dy skuadrave u gjunjëzuan pranë Hamlinit ndërsa ai po asistohej në fushë, me ndeshjen fillimisht të pezulluar dhe më pas të shtyrë. Hamlin mundi të merrte frymë pa ndihmë përsëri të premten dhe pyeti nëse skuadra e kishte fituar ndeshjen.

B.T (Dosja.al)

Sondazh

Poll

MË SHUMË