Sport

Lojtari i kombëtares së Holandës, i përfshirë në rrjetin e krimit. Eshtë implikuar edhe në vjedhjen e 400 kg kokainë...

Ish-lojtari i Ajaxit, është gjithashtu i përfshirë në një tjetër çështje gjyqësore dhe akuzohet për tentativë vrasjeje me thikë të kushëririt gjatë një feste familjare në korrik 2020.

11 Janar 2023, 17:51 Nga DOSJA
Lojtari i kombëtares së Holandës, i përfshirë në

HOLANDE - Sulmuesi Quincy Promes, lojtar i Spartak Moskës, u akuzua këtë të mërkurë nga Gjykata e Roterdamit, si i përfshirë në një skemë që çoi në vjedhjen e 400 kilogramëve kokainë, në portin e Antwerp, në prill të 2020.

Në bashkëpunim me lojtarin e kombëtares holandeze (50 ndeshje, 7 gola) ishin edhe Genciel Feller dhe ish-futbollisti Kelvin Maynard, të cilët më pas u qëlluan për vdekje: i pari në Curaçao dhe i dyti në Amsterdam. Dy vrasjet dyshohet se ishin 'urdhëruar' nga Piet Wortel, drejtuesi i një rrjeti ndërkombëtar të trafikut të drogës, i cili u arrestua në Aruba vitin e kaluar, pasi u dënua në 2014 me shtatë vjet burg dhe ishte fshehur në Suriname për të njëjtën periudhë.

Hetimi për dy vrasjet e lartpërmendura vazhdoi në Prokurorinë Publike Holandeze dhe arriti në përfundimin, se Quincy Promes i pagoi 250 mijë euro Piet Wortel-it për të shmangur pasoja më të mëdha. Wortel tha se nuk e njihte lojtarin, por celulari i drejtuesit të rrjetit të trafikut gjeti të dhëna të disa kontakteve mes të dyve.

Quincy Promes, ish-lojtari i Ajaxit, është gjithashtu i përfshirë në një tjetër çështje gjyqësore dhe akuzohet për tentativë vrasjeje me thikë të kushëririt gjatë një feste familjare në korrik 2020. Hetimi për këtë çështje është ende në vazhdim.

Këtë sezon, holandezi ka 17 gola në 23 ndeshje dhe është golashënuesi më i mirë në ligën ruse.

B.T (Dosja.al)

Sondazh

Poll

MË SHUMË