Sport

Futbollisti amator 22-vjeçar, humb betejën për jetën. Prindërit e tij morën vendimin e guximshëm për të dhuruar organet…

Pas intubimit që nga e shtuna, të martën në mbrëmje vonë, futbollisti 22-vjeçar Dimitris Skondras nuk merr më frymë. Ai kishte luajtur më parë për Atromitos Lappa dhe APS Patrai, ndërsa ekipi i tij i parë ishte Achaikos.

11 Janar 2023, 16:44 Nga DOSJA
Futbollisti amator 22-vjeçar, humb betejën për jetën.

GREQI - Përfundim tragjik patën orët e ankthshme në Spitalin e Përgjithshëm Universitar të Patrës (Rio), ku 22-vjeçari Dimitris Skondras u shtrua pas kolapsit të papritur të shtunën e kaluar, teksa punonte në dyqanin e babait të tij në Patras.

Futbollisti i ri amator kishte gjakderdhje të madhe në tru dhe megjithëse mjekët në PGNP bënë gjithçka që mundën për ta mbajtur në jetë, ata dështuan dhe 22-vjeçari mbrëmjen e së martës vonë deklaruan vdekjen e të riut, i cili ishte i intubuar që prej së shtunës së kaluar.

Prindërit e tij, me dhimbjen e tyre të patregueshme, morën vendimin e guximshëm duke treguar zemërgjerësi për të dhuruar organet e birit të tyre Dimitris Skondras për të shpëtuar jetë të tjera.

Dimitris Skondras kishte luajtur më parë për Atromitos Lappa dhe APS Patrai, ndërsa ekipi i tij i parë ishte Achaikos. “Për fat të keq, Dimitris nuk ia doli dhe nuk është me ne! Dimitris ti ishe një engjëll tokësor tani je një engjëll në parajsë. Lamtumirë nga ekipi juaj i parë Achaikos”.

B.T (Dosja.al)

Sondazh

Poll

MË SHUMË