Sport

ZYRTARE/ Chelsea njofton nënshkrimin e João Félix deri në fund të sezonit...

Klubi anglez zyrtarizon ardhjen e sulmuesit portugez, i cili vjen në formë huazimi nga Atletico Madrid

11 Janar 2023, 15:35 Nga DOSJA

ZYRTARE/ Chelsea njofton nënshkrimin e João Félix deri

ANGLI - Tani është zyrtare: sulmuesi João Félix është lojtari i ri i Chelseas dhe pozoi me fanellën e klubit anglez. Skuadra londineze konfirmoi këtë të mërkurë nënshkrimin e të riut portugez, i cili vjen në Angli si huazim deri në fund të sezonit nga Atlético Madridit.

“Chelsea është një nga skuadrat e mëdha në botë dhe mezi pres ta ndihmoj skuadrën të arrijë qëllimet e veta, kështu që jam vërtet, shumë i lumtur që jam këtu dhe me të vërtetë i emocionuar që do të luaj në Stamford Bridge”,- tha Joao Félix për Chelsea në faqen e internetit.

Sipas disa mediave europiane, Chelsea do t'u paguajë 11 milionë euro spanjolëve për lojtarin. Edhe paga do të financohet nga blutë gjatë kësaj periudhe. Lojtari do të mbajë fanellën me numrin 11 në ekipin anglez.

João Félix mbërrin për të zgjidhur një problem në sulmin e Chelseas, i cili ka disa dëmtime lëndime në skuadër. E pozicionuar në vendin e dhjetë në Premier Ligën angleze, skuadra londineze u eliminua në mënyrë poshtëruese në raundin e tretë të FA Cup, e mposhtur këtë të dielë me rezultatin 4-0 nga një Manchester City, që kurseu gjysmën e formacionit fillestar.

ZYRTARE/ Chelsea njofton nënshkrimin e João Félix deri

Portugezi, i cili ka nënshkruar për Atlético Madridin për 127.2 milionë euro më 2019, duke qenë transferimi i katërt më i madh në historinë e futbollit, ka ende një kontratë me ekipin spanjol deri në vitin 2026. Bardhekuqtë zgjodhi të negociojë lojtarin në formë huazimi në gjysmë të rrugës për t'i dhënë fund krizës së marrëdhënieve mes të riut dhe trajnerit Diego Simeone.

Synimi i Atleticos do të ishte ta tregtonte lojtarin përgjithmonë për më pak se 100 milionë euro, duke rikuperuar një pjesë të investimit të bërë më pak se katër vjet më parë, sipas shtypit spanjoll. Megjithatë, një investim i tillë vështirë se bëhet nga klubet në mes të sezonit dhe për këtë arsye lindi opsioni i huazimit të portugezit deri në korrik. Në mesin e vitit, atëherë duhet të përcaktohet fati i lojtarit, i cili po ashtu mund të kthehet te Atletico Madridi, pasi trajneri Diego Simeone nuk e ka të garantuar qëndrimin tij për 2023/24.

B.T (Dosja.al)

Sondazh

Poll

MË SHUMË