Politike

Zgjedhjet lokale janë para, Rama do "tërmet"/ 4 orë i mbyllur me 12 drejtuesit e qarqeve, ç'po ndodh në takimin mes socialistëve

Sot kryeministri Edi Rama ka nisur një takim prej orës 13:00 të drekës, pasi ka nisur një takim me të gjithë drejtuesit politik të 12 qarqeve të Partisë Socialiste. 

6 Janar 2023, 17:18 Nga k.m.
Zgjedhjet lokale janë para, Rama do "tërmet"/ 4 orë i
Foto ilustruese

TIRANË- Ka 4 orë i mbyllur me drejtuesit politikë të qarqeve, por nuk dihet se çfarë po diskuton kryeministri Edi Rama me socialistët. Pas dy ditësh diskutimesh maratonë me kabinetin qeverisës, sot kryeministri Edi Rama ka nisur një takim prej orës 13:00 të drekës, pasi ka nisur një takim me të gjithë drejtuesit politik të 12 qarqeve të Partisë Socialiste. 

Në një kohë kur Partia Socialiste ende nuk i ka emrat e të gjithë kandidatëve në zgjedhjet lokale të 14 majit, duket se sot do të vendoset "fati" i të gjithë atyre që do të zgjidhen për të garuar me siglën e të majtës. Ndërkohë që Rama ka pyetjet e veta, drejtuesit e qarqeve po raportojnë për punët, problematikat por edhe pikat e forta të PS-së në qarqet respektive.

Gjithashtu po testohen nëse i kanë realizuar të gjitha detyrat e lëna nga mbledhja e shkuar. Dje, pas takimit me ministrat, Rama nuk pati asnjë komunikim me gazetarët që e prisnin jashtë "Vila 30", por nuk dihet nëse edhe sot do të ndiqet e njëjta taktikë. Por në videon e fundit të publikuar në rrjetet e tij sociale dha porosinë e fundit: 2023 e dua tërmet.

edi rama

Sondazh

Poll

MË SHUMË