Politike

'A nuk kishte 1 miliardë lekë për bujqësinë?'/ Braçe revoltohet pas diskutimeve për buxhetin: Boll më, prandaj them unë që nuk ia vlen

Ai shprehet se nga 30 miliardë lekë të shpërndara, për bujqësinë janë dhënë vetëm 200 milionë lekë.

16 Dhjetor 2022, 14:42 Nga a.l
'A nuk kishte 1 miliardë lekë për
Erion Braçe

TIRANË- Deputeti i Partisë Socialiste, Erion Braçe ka reaguar i revoltuar pas diskutimeve për buxhetin e bujqësisë në Komisionin e Ekonomisë që u zhvillua ditën e sotme. Në një reagim të bërë në Facebook, ai shprehet se nga 30 miliardë lekë të shpërndara, për bujqësinë janë dhënë vetëm 200 milionë lekë.

“A nuk kishte 1 miliardë lekë për bujqësinë? Prandaj them unë që nuk ia vlen më. Për NAFTËN nuk do ketë më para, pas këtij akti; për tufën bazë të matrikulluar do ketë vetëm 200 milionë për vetëm 1000 familje blegtorale nga 3400 që kanë mbetur pa paguar. Kaq! Po mësoj që ministria e bujqesise ka vendosur kështu!”, dëgjohet ai të thotë në videon e ndarë në Facebook.

REAGIMI: 

DOLA NGA KOMISIONI I EKONOMISË, SAPO! PARATË U NDANË: 30 miliardë U SHPERNDANË, BUJQËSISË JU DHANË VETËM 200 MILIONË LEKË! VETËM KAQ! Prej dy muajsh kam kërkuar me ngulm 1 MILIARDË LEKË për dy zëra të skemës mbështetëse: 1.      NAFTËN FALAS PËR BUJQIT; 2.      TUFËN BAZË TË MATRIKULLUAR. Mendova të paguanim plotësisht 1/3 e FAMILJEVE BUJQËSORE QË NUK KANË MARRË NAFTËN ENDE; 2000 I KAM VEC UNË NË DIVJAKË E LUSHNJË. Mendova të paguanim plotësisht 3400 FAMILJE BLEGTORALE që edhe pse kanë plotësuar kushtet, NUK KANE MARRE ENDE PARATE! Pra, kërkoj prej muaj vetëm 1/30 e parave që u shpërndane sot! JOOOOOOOOOOOO! JOOOOOOOOOOOOOOOO! Për NAFTEN nuk do ketë më para-pas këtij akti; për tufën bazë të matrikulluar do ketë vetëm 200 milionë për vetëm 1000 familje blegtorale nga 3400 që kanë mbetur pa paguar. Kaq! PO MESOJ QE MINISTRIA E BUJQESISE KA VENDOSUR KESHTU! Argumenti: janë populizëm e propozime për të rritur popullaritetin e një njeriu; e dëgjova me zë e sy me sy sot! Bujqit janë të fundit kur ndahen paratë e buxhetit, fakti është ky! Kur ata janë të fundit, unë s’kam pse të jem i pari. Boll me! As që ja vlen më! VO: popullariteti? Më pëlqen më mirë pa popullaritet! Por një gjë po ua them ama: Tershera nuk është kurrë Grurë, pavarësisht ngjyrës!

Komisioni i Ekonomisë ka miratuar sot rritjen me 5 miliardë lekë të të ardhurave buxhetore në vitin 2022, me në fokus blegtorët, rindërtimin dhe sportin, nxiti debate në Komisionin për Ekonominë dhe Financat. Borxhi e defiçiti publik, 83.8 miliardë lekë nuk ndryshon. Rritet fondi rezervë në 3.5 miliardë lekë, fondi për politikat e të pagave shkurtohet me gati 700 milionë lekë. Shfuqizohet fondi 3 miliardë lekë i planifikuar për shpronësimet. Fondi i rindërtimit i parashikuar 20 mld lekë, do të rritet në 32.4 mld lekë. 1 miliardë lekë do alokohet për shlyerjen e detyrimeve të prapambetura të pushtetit vendor./Dosja.al

erion brace frida krifca

Sondazh

Poll

MË SHUMË