Politike

'E ftoj të shumëfishohet, do gjejë turpin'/ Berisha: Ambasadorja mban peng me dosje kryeministrin

Berisha deklaron se ambasadorja Yuri Kim mban peng me dosje kreun e qeverisë.

16 Dhjetor 2022, 12:36 Nga A.B
'E ftoj të shumëfishohet, do gjejë turpin'/ Berisha:
Sali Berisha

TIRANË- Kryetari i Partisë Demokratike, Sali Berisha komentoi sot deklaratat që i paraprinë zgjedhjes së kreut të SPAK mes ambasadës amerikane dhe kryeministrit Edi Rama. Sipas tij ambasadorja Yuri Kim mban peng me dosje kreun e qeverisë.

'Çfarë qëndron në themelin e betejës së Yuri Kim? Unë ju ftoj të lexoni, nuk gjeni sot në planet një vend të dytë, dhe unë kam bërë kërkime, nuk gjendet një vend të dytë ku një ambasadore të sillet siç sillet guvernatorja në Tiranë. Çfarë kujtoni se mbron ajo? Mbron në minimum dështimin e reformës së Sorosit në Shqipëri. Por mundet edhe më shumë.

Ajo mbron mashtrimet që i ka bërë shefave të vet, ajo mbron veten sepse ka përdorur korrupsionin për të luftuar antikorrupsionin në Shqipëri. Ndaj dhe ajo nuk njeh kufi, ndaj edhe sillet. Po pse sillet në këtë mënyrë? Sepse e ka peng me dosjen Edi Rama.

Nuk ndodh kurrë në botë kjo. Nuk kam lexuar kurrë që në mënyrë kaq të paskrupullt, kaq jodinjitoze, kaq fyese për një popull dhe vend sovran, të sillet një përfaqësuese e vendit që konsiderohet partneri strategjik më i rëndësishëm.'- tha Berisha.

sali berisha

Sondazh

Poll

MË SHUMË