Politike

Mandati i Olta Xhaçkës në Gjykatë Kushtetuese, Bardhi: GJK që të marrë në shqyrtim sa më shpejt kërkesën

Në një dalje për mediat, Gazmend Bardhi nga Kryesia e Kuvendit, demokrati gjithashtu kërkoi që Kushtetuesja ta gjykonte çështjen sa më shpejt të ishte e mundur.

18 Nëntor 2022, 09:38 Nga k.m.
Mandati i Olta Xhaçkës në Gjykatë Kushtetuese, Bardhi: GJK
Gazment Bardhi

TIRANË- Deputeti i Partisë Demokratike, Gazment Bardhi ka dorëzuar sot në Gjykatën Kushtetuese kërkesën për mocionin e heqjes së mandatit të deputetes Olta Xhaçka. Ditën e djeshme gjatë seancës maraton në Kuvend, maxhoranca votoi raportin e bërë në Këshillin e Mandateve kanë dorëzuar në Gjykatën Kushtetuese kërkesën për kundërshtimin e vendimit të një dite më parë të Kuvendit.

Në një dalje për mediat, Gazmend Bardhi nga Kryesia e Kuvendit, demokrati gjithashtu kërkoi që Kushtetuesja ta gjykonte çështjen sa më shpejt të ishte e mundur.

"Ky refuzim është depozituar sot në mëngjes, me një kërkesë e firmosur nga 1/10 e deputetëve firmëtare. I kërkojmë GJK që të marrë në shqyrtim sa më shpejt kërkesën e depozituar sot në mëngjes,"-tha Bardhi ndër të tjera në fjalën e tij.

Ndërkohë që në dokumentin e depozituar prej tij, kishte vetëm 14 firma, por mungonte ajo e Enkelejd Alibeajt. Nga ana tjetër edhe grupi tjetër i deputetëve të PD-së së udhëhequr nga Sali Berisha ka dërguar në Gjykatën Kushtetuese, por me firmën e Agron Shehajt, si një prej denoncuesëve të çështjes së investitorëve strategjikë.

Me 73 vota kundër dhe vetëm 21 pro (të opozitës), Kuvendi i Shqipërisë hodhi poshtë mbrëmjen e djeshme raportin e opozitës për pavlefshmërisë dhe mbarimit të mandatit të deputetes Olta Xhaçka.

PD depozitoi në Kuvend kërkesën për t’i hequr mandatin deputetes Olta Xhaçka, pasi sipas saj, bashkëshorti i saj është shpallur investitor strategjik nga qeveria si dhe ka përfituar nga pasuritë shtetërore. Ishte deputeti i PD-së, Agron Shehaj ai që doli në një konferencë për shtyp, ku denoncoi se familja e ministres po përfiton nga pronat në bregdet, duke ua 'dhuruar' familjarëve të saj. Në skemën e ngritur nga Shehaj më 25 qershor 2021, kunata e ministres Xhaçka Taëni Lin Grzych-Sutton, një shtetase 30-vjeçare nga Masaçusets i SHBA, e cila prej vitesh bashkëjeton në Tiranë me vëllain e Xhaçkës. Më 2 mars 2022, kunata e ministres Xhaçka merr pronën në përdorim në bregdet. 

Me firmën e Kryeministrit Rama, kompania "AG.Tç" SH.P.K në pronësi të bashkëshortit të ministres Xhaçka, shpallet investitor strategjik për ndërtimin e resortit në Dhërmi, i cili parashikon marrjen e tokës në bregdet në përdorim për 30 vite. Kryeministri Rama ndryshon vendimin e datës 22/02/2021 dhe shton kompaninë e kunatës si investitore strategjike. Vetë Gaçi i pyetur për mediat ka thënë më herët se është ai investitori por nuk ka deklaruar se shtetasja amerikane në fakt është njohje e tij dhe krushqi e të shoqes ministre.

gazment bardhi mandati i olta xhackes

Sondazh

Poll

MË SHUMË