Aktualitet

Nis edicioni i 25-të i panairit të librit/ 97 stenda, motoja "Jemi të gjithë lexues"

Ashtu si çdo vit edhe ky panair do të mbledhë bashkë shtëpitë botuese nga Shqipëria, Kosova dhe Maqedonia e Veriut, shkrimtarë, poetë, përkthyese dhe lexues, ku njihen me botimet e reja dhe një mundësi e shkëlqyer për të blerë libra me çmime të reduktuara.

16 Nëntor 2022, 11:09 Nga a.l

 

 

Nis edicioni i 25-të i panairit të librit/ 97 stenda, motoja
Panairi i Librit

TIRANË- Panairi i Librit ka nisur zyrtarisht ditën e sotme edicionin e tij të 25-të në mjediset e Pallatit të Kongreseve. Në këtë panair që mban moton "Jemi të gjithë lexues" do të jenë gjithsej 97 stenda dhe më shumë se 100 shtëpi botuese. Çdokush që ka interes mbi librat ka mundësi nga sot deri në datën 20 nëntor të vizitojë apo kryejë blerje të veprave me autorë të ndryshëm kohorë dhe bashkëkohorë. 

Ashtu si çdo vit edhe ky panair do të mbledhë bashkë shtëpitë botuese nga Shqipëria, Kosova dhe Maqedonia e Veriut, shkrimtarë, poetë, përkthyese dhe lexues, ku njihen me botimet e reja dhe një mundësi e shkëlqyer për të blerë libra me çmime të reduktuara. Ngjarja me e madhe letrare e vitit, libra të rinj, autorë, përkthyes, prezantime, konkurse, konferenca etj Mësohet se, në panairin e këtij viti do të ketë edhe një shtëpi botuese italiane. Ajo është “Besa Muci”, e cila kryesisht ka në fokus botimin e letërsisë shqipe në italisht, dhe jo vetëm.

Poashtu të tjerë botues të huaj që do të jenë pjesë e edicionit të 25-të të Panairit të Librit, do të jenë Regione Puglia dhe Junus Emre, me botimet e tyre. Por një panair në kohë krize nuk është gjithmonë një lajm i mirë. Problematika që prin listën e ankesave nga botuesit këtë vit është rritja e çmimit të letrës, po ashtu, problem janë edhe të ardhurat e blerëve, buxhetin e të cilëve, gjithashtu e ka prekur kriza. 

panairi i librit 2022

Sondazh

Poll

MË SHUMË