Bota

Sulmi rus në Poloni, Stoltenberg: Po monitorojmë situatën, faktet duhen vërtetuar

Me anë të një postimi në Twitter, Stoltenberg shkruan se NATO po monitoron situatën nga afër dhe se është e rëndësishme që të gjitha faktet të merren parasysh.

15 Nëntor 2022, 22:26 Nga I.A
Sulmi rus në Poloni, Stoltenberg: Po monitorojmë situatën, faktet
Jens Stoltenberg

SHBA- Sekretari i Përgjithshëm i NATO-s, Jens Stoltenberg thotë se ka folur me presidentin polak dhe ka shprehur ngushëllimet e tij në lidhje me sulmin e raketave ruse. Me anë të një postimi në Twitter, Stoltenberg shkruan se NATO po monitoron situatën nga afër dhe se është e rëndësishme që të gjitha faktet të merren parasysh. 

“Fola me presidentin e Polonisë, Duda, për shpërthimin në Poloni. I shpreha ngushëllimet e mia për humbjet e jetës. NATO po e monitoron situatën dhe aleatët po konsultohen nga afër. Është e rëndësishme që të gjitha faktet të vërtetohen”, shkruan Stoltenberg.

Dy raketa ruse goditën mbrëmjen e sotme një fermë në Przewodóë në anën polake të kufirit polako-ukrainas duke lënë të vdekur dy qytetarë polak. Polonia është një vend anëtarë i NATO-s dhe si i tillë në rast sulmi mbrohet nga Aleanca. Shpërthimi ka vënë në alarm jo vetëm Poloninë por dhe vendet fqinje si Lituania, e cila po ashtu është vend anëtar i NATO-s. Kryeministri polak ka thërritur menjëherë mbledhjen e Këshillit të Sigurisë Kombëtare për të marrë masa të menjëhershme në bazë te rregullores së Aleancës së Atlantikut të Veriut.

nato jens stoltenberg raketat ruse godasin polonine

Sondazh

Poll

MË SHUMË