Aktualitet

Protesta e opozitës, qytetarët në Durrës: Nuk ka listë që të mbaj arsyet, jetojmë në kushte minimale

Duke folur për Syri Tv, qytetarët kanë shprehur indinjatën e tyre dhe kanë renditur një sërë arsyesh për të protestuar, që nga çmimet e larta, varfëria dhe shpopullimi.

12 Nëntor 2022, 15:16 Nga I.A
Protesta e opozitës, qytetarët në Durrës: Nuk ka listë
protestues

DURRËS- Me qindra qytetarë të Durrësit janë bërë gati për tu nisur në protestën kombëtare që do zhvillohet në orën 16:00 para kryeministrisë në Tiranë. Duke folur për Syri Tv, qytetarët kanë shprehur indinjatën e tyre dhe kanë renditur një sërë arsyesh për të protestuar, që nga çmimet e larta, varfëria dhe te shpopullimi.

"Për të gjitha, ku do ta nisësh më përpara, më keq sa ku shkon. Nuk ka listë që t'i mbaj arsyet," tha një qytetar.

"Për të po protestojmë, duhet të protestojmë çdo ditë, çdo ditë duhet të protestojmë. Problemet janë të shumta, por ajo që do të veçoja, në radhë të parë është politikën shpopullarizuese, varfëria ekstreme që na ka pllakusur. Sepse 70% e popullit po jeton nën kushte minimale. Unë e quaj shumë absurde nëse njerëzit nuk tentojnë të protestojnë. Nëse një shoqëri nuk proteston, nuk vlerëson kushtet, vetën, shoqërinë, vendin në të cilën jeton," tha një qytetar.

Jemi vetëm pak minuta larg nisjes zyrtare të protestës së thirrur nga Opozita e bashkuar. Situata para selisë së qeverisë duket e qetë. Kryetari i Partisë Demokratike, Sali Berisha është shprehur se protesta do të jetë paqësore. Protesta pritet që të zhvillohet përpara kryeministrisë, në orën 16:00 ndërsa nuk dihet saktësisht se për sa orë do të vazhdojë. Policia e shtetit ka marrë masa për bllokim aksesh rrugore. Ambasada amerikane në Tiranë, u ka bërë thirrje qytetarëve që të shmangin grumbullimet dhe të qëndrojnë të përditësuar mbi zhvillimet më të fundit. Kryeministria është blinduar.

protesta e opozites 12 nentor 2022

Sondazh

Poll