Aktualitet

'Xherxhi është 1-sh fare, ia marrshi të keqen'/ Vëllai i saj ngujoi familjen, Kaca: Ai është profesor me shkollë të lartë

Motra mbron vëllain, edhe pse ai ngujoi për vite me radhë gruan dhe fëmijët.

7 Nëntor 2022, 14:00 Nga A.B
'Xherxhi është 1-sh fare, ia marrshi të keqen'/
Rita Kaca

TIRANË- E vetmja që i ka dalë në mbrojtje Xherxh Laçit, që ngujoi për vite me radhë gruan dhe dy djemtë, është motra e tij, Rita Kaca. Për 'Reporttv', ajo është shprehur se po i bëhet padrejtësi vëllait të saj, i cili duhet që të lihet i lirë. Po ashtu, ajo vijon duke thënë se shteti e ka fajin pasi ai po tenton që t'u shembë shtëpinë. Kaca shton se Laçi ka mbaruar shkollën e lartë e se është specialist në shumë fusha.

INTERVISTA:

Motra e Xherxh Laçit: Erion Veliaj cfarë bën? Pse nuk e merr këtë familje, të fusë në punë burrin dhe gruan. Po i le qeveria dhe denoncohen, pse të denoncohet? Të lirohet. Të shkojë në punë, të bëjë një punë të lehtë, një roje, ti cojë fëmijët në shkollë, gruan ta fusë pastruese. Ka punë sa të dush, a ka shtet? Dhe ne jemi duke punu. Problemet janë të qeverisë se do t'i shembë shtëpinë, ti punësojë, ti paguajë qeranë. Shtëpinë po ua prishin. 

Pyetja: A është i sëmurë Xherxhi?

Motra: Jo nuk është i sëmurë, ka diabet, e di doktori, ta arrestojë doktorin se pse nuk i jep pension.

Pyetja: A i ka dhunu fëmijët dhe gruan? 

Motra: Pretendojnë se duan që të dalin rrugash. Tani ti çojë shteti.

Pyetja: Cfarë ka punuar Xherxhi?

Motra: Xherxhi është specialist, ai ka shkollën e lartë, ti nuk e ke. Profesor ka mbaruar shkollën, ai është nish farë i morshin të keqen kush e shan. 

Gjergj Laçi u arrestua ditën e dielë datë 6 nëntor nga policia e Tiranës, pasi u zbulua se mbante prej 6 vitesh të ngujuar në banesë bashkëshorten dhe dy fëmijët e tij. Ata nuk kishin në banesë as ujë, as drita dhe as televizor. 52-vjeçari i dhunonte dhe terrorizonte, duke iu thënë se nuk duhet të dalin nga banesa pasi mund të infektohen. Laçi për shkak të bindjeve radikale fetare, nuk lejonte dy fëmijët e tij, 15 dhe 17 vjeç të shkonin në shkollë. Ishin banorët ata të cilët lajmëruan antiterrorin për sjelljen e fqinjit të tyre, i cili banonte në lagjen '5 Maji' në Tiranë. 52-vjeçari është arrestuar, ndërsa gruaja dhe fëmijët janë dërguar në një qendër për rehabilitim./ Dosja.al

ngujohet familja ne tirane xherxh laçi rita kaca

Sondazh

Poll

MË SHUMË