Aktualitet

Tentoi të kontrabandonte një sasi medikamentesh, arrestohet italiani në Durrës

Personi me inicialet F. F., 57 vjeç, banues në Itali, u kap me një sasi të konsiderueshme medikamentesh mjekësore të dyshuara të kontrabanduara.

7 Nëntor 2022, 13:49 Nga A.B
Tentoi të kontrabandonte një sasi medikamentesh, arrestohet italiani
Medikamente

DURRËS- Një 57-vjeçar me origjinë italiane është arrestuar në Portin e Durrësit. Personi me inicialet F. F., 57 vjeç, banues në Itali, u kap me një sasi të konsiderueshme medikamentesh mjekësore të dyshuara të kontrabanduara. Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.

NJOFTIMI I POLICISË:

Tentoi të kontrabandonte një sasi të konsiderueshme medikamentesh mjekësore, me qëllim tregtimin e tyre, procedohet penalisht 57-vjeçari (shtetas italian). Shërbimet e PKK Port Durrës, në bashkëpunim me specialistët e Seksionit për Hetimin e Krimeve Ekonomiko-Financiare të DVP Durrës dhe me autoritetet doganore, në vijim të kontrolleve për parandalimin, evidentimin dhe goditjen e rasteve të kontrabandës, kanë evidentuar dhe goditur një rast të tentativës për të kontrabanduar medikamente mjekësore, me qëllim tregtimin e tyre, kanë referuar materialet në Prokurori për këtë rast dhe si rezultat, ka nisur procedimi penal për shtetasin:
-F. F., 57 vjeç, banues në Itali. Gjatë kontrollit të ushtruar në automjetin që drejtonte 57-vjeçari, shërbimet e Policisë Kufitare gjetën dhe sekuestruan në cilësinë e provës materiale, një sasi të konsiderueshme medikamentesh mjekësore të dyshuara të kontrabanduara. Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.

arrestim ne durres durres mallra kontrabande

Sondazh

Poll

MË SHUMË