Aktualitet

DETAJE/ 129 kontejnerë mbërritën sot nga Pireu, ku janë fokusuar oficerët e BKH-së në Portin e Durrësit, kontrolle për kokainë

Të gjithë kontejnerët do të kalojnë në skaner para syve të oficerëve të BKH-së, por nuk dihet nëse kontrollet ekstra vijnë pas kokainës së gjetur në bananet e ‘BanaKing’ apo ka informacione se në Durrës kanë ardhur të tjera ngarkesa me kokainë.

6 Nëntor 2022, 17:20 Nga F.M
DETAJE/ 129 kontejnerë mbërritën sot nga Pireu, ku janë
"Contship ECO"

DURRËS- Oficerët e Byrosë Kombëtare të Hetimit janë fokusuar në kontrollin e 129 kontejnerëve që kanë mbërritur sot nga Pireu dhe kanë zbarkuar në Portin e Durrësit. Mësohet se rreth orës 10:15 ka mbërritur një anije cargo, "Contship ECO", me 129 kontejnerë, brenda të cilëve dyshohet se ka lëndë narkotike.

Të gjithë kontejnerët do të kalojnë në skaner para syve të oficerëve të BKH-së, por nuk dihet nëse kontrollet ekstra vijnë pas kokainës së gjetur në bananet e ‘BanaKing’ apo ka informacione se në Durrës kanë ardhur të tjera ngarkesa me kokainë. Kontrollet vijojnë.

Lëvizja e BKH-së vjen dy pasi në Portin e Durrësit u sekuestruan 33.5 kilogramë kokainë që u gjet mes bananeve ‘Banaking’ të kompanisë ‘ZICO SH.A’ në pronësi të biznesmenit Trifon Murataj. Për ngarkesën në fjalë u vunë në pranga 3 persona, dy prej tyre punonjës të portit, ndërsa biznesmeni Murataj është shpallur në kërkim.

byroja kombëtare e hetimit porti i durresit droge ne banaking

Sondazh

Poll

MË SHUMË