Aktualitet

Gjuha e urrejtjes ndaj shqiptarëve në Britani, Nikolla tregon momentin e sikletshëm: Paralelisht me lajmet, në sfond dëgjonim Rita Orën e Dua Lipën

Ai tregoi një moment të sikletshëm në zyrë, kur radioja jepte lajmin për emigrantët shqiptarë që vijnë me gomone dhe në një moment të dytë dëgjohej një këngë e Rita Orës apo Dua Lipës.

6 Nëntor 2022, 16:13 Nga F.M
Gjuha e urrejtjes ndaj shqiptarëve në Britani, Nikolla tregon momentin
Daniel Nikolla

TIRANË- Daniel Nikolla, përfaqësues i diasporës për Shqipërinë e lirë, i cili jeton dhe punon prej kohësh në Britaninë e Madhe, thotë se stigma e krijuar ndaj komunitet shqiptar që jeton në këtë vend është shumë shqetësuese. Në një intervistë për Euronews Albania, Nikolla u shpreh se kjo gjë prek shumë shqiptarë që jetojnë me punë të ndershme në kë vend.

Ai tregoi një moment të sikletshëm në zyrë, kur radioja jepte lajmin për emigrantët shqiptarë që vijnë me gomone dhe në një moment të dytë dëgjohej një këngë e Rita Orës apo Dua Lipës.

“Ishte ky lajmi për Shqipërinë dhe në mes të tyre ishin këngët e këngëtareve shqiptare Rita Ora, Dua Lipa e Bebe Rexha, dhe u krijua një situatë e çuditshme në zyrë pasi ishte një kontrast i madh, edhe për ata kolegët tanë që e dinë shumë mirë këtë pjesë. Gjëja që ne si shqiptarë duhet të fokusohemi shumë, përveçse të mbrojmë të drejtat tona në publikun britanik, duhet të shohim edhe në Shqipëri, çfarë e shkakton këtë largim masiv”, tha Nikolla.

Sipas tij, fakti që kemi arritur në një pikë që shqiptarët, 2 orë gjysmë me avionë nga Londra rrezikojnë jetën duke marrë një varkë, tregon sa e vështirë është situata.

Marrë nga Euronews

shqiptaret ne britani daniel nikolla

Sondazh

Poll

MË SHUMË