Aktualitet

"Game over 2"/ Goditen lojërat e fatit në Kurbin, arrestohet 31-vjeçari që hapi tavolinë pokeri në lokal

Në momentin e ndërhyrjes së shërbimeve të Policisë, në ambientet e lokalit u gjetën dhe u sekuestruan në cilësinë e provës materiale: 1 tavolinë pokeri, fisha, letra bixhozi dhe një shumë parash që dyshohet se është përfituar nga ky aktivitet i paligjshëm. 

6 Nëntor 2022, 16:47 Nga F.M
"Game over 2"/ Goditen lojërat e fatit në Kurbin, arrestohet
Tavolinë pokeri

KURBIN- B. M., 31 vjeç, banues në Kurbin është vënë në pranga pasi akuzohet për veprat penale “Organizimi ose ushtrimi i veprimtarive të lojërave të fatit në kundërshtim me ligjin” dhe "Vënia në dispozicion e lokaleve për lojëra të palejuara". Në njoftimin e policisë bëhet me dije se 31-vjeçari është arrestuar pasi kishte përshtatur lokalin e tij, në Sanxhak, për organizimin e lotarive të palejuara. Në momentin e ndërhyrjes së shërbimeve të Policisë, në ambientet e lokalit u gjetën dhe u sekuestruan në cilësinë e provës materiale: 1 tavolinë pokeri, fisha, letra bixhozi dhe një shumë parash që dyshohet se është përfituar nga ky aktivitet i paligjshëm. 

Njoftimi i policisë Kurbin: Finalizohet operacioni policor i koduar "Game over 2", për goditjen e veprimtarisë së paligjshme në fushën e lojërave të fatit. Kishte përshtatur lokalin, për organizimin e lojërave të fatit, vihet në pranga 31-vjeçari. Sekuestrohen tavolinë pokeri, fisha dhe letra bixhozi. Në vijim të kontrolleve intensive dhe të pandërprera, të ushtruara në lokale dhe ambiente të tjera, me qëllim evidentimin dhe goditjen e rasteve të organizimit të kundërligjshëm të lojërave të fatit, mbështetur dhe nga inteligjenca informative, strukturat hetimore të Drejtorisë Vendore të Policisë Lezhë në bashkëpunim me shërbimet e Komisariatit të Policisë Kurbin si dhe në mbështetje nga FNSH Shkodër, organizuan dhe finalizuan operacionin policor të koduar “Game over 2”, si rezultat i të cilit u kap dhe u arrestua në flagrancë shtetasi:

- B. M., 31 vjeç, banues në Kurbin, për veprat penale “Organizimi ose ushtrimi i veprimtarive të lojërave të fatit në kundërshtim me ligjin” dhe "Vënia në dispozicion e lokaleve për lojëra të palejuara". Ky shtetas kishte përshtatur lokalin e tij, në Sanxhak, për organizimin e lotarive të palejuara. Në momentin e ndërhyrjes së shërbimeve të Policisë, në ambientet e lokalit u gjetën dhe u sekuestruan në cilësinë e provës materiale: 1 tavolinë pokeri, fisha, letra bixhozi dhe një shumë parash që dyshohet se është përfituar nga ky aktivitet i paligjshëm. Materialet procedurale iu referuan Prokurorisë pranë Gjykatës së Shkallës së Parë Kurbin, për veprime të mëtejshme.

operacioni game over 2

Sondazh

Poll

MË SHUMË