Aktualitet

Zhdukja e 'Renit të Elbasanit'/ Nëna: Djalin ma vrau shteti pastaj kriminelat, drejtori i policisë të marrë masa

Silvana Hamza i bën thirrje drejtësisë që të rihapë çeshtjen, ndërsa shprehet e bindur se djali i saj është vrarë.

3 Nëntor 2022, 12:59 Nga A.B
Zhdukja e 'Renit të Elbasanit'/ Nëna: Djalin ma vrau shteti
Silvana Hamza nena e kengetarit te zhdukur

ELBASAN- Silvana Hamza nëna e këngëtarit Renato Hamza i cili rezulton i zhdukur prej 29 Qershorit 2014, thotë se djalin e ka vrarë shteti e më pas krimininelët. Reagimi i saj vjen pas zhvarrojes së një kufome pasditen e sotme në Librazhd, që dyshohet se i përket djalit të saj që ndryshe e thërrasin "Reni i Elbasanit". Nëna ka kërkuar te policia që të bëhej ADN-ja, ndërsa sipas saj shefi i krimeve i ka thënë se kufoma nuk është e djalit të saj, por një 40- vjeçari të quajtur Petrit Bushati. Silvana Hamza i bën thirrje drejtësisë që të rihapë çeshtjen, ndërsa shprehet e bindur se djali i saj është vrarë. Hamza pretendon se edhe ish e dashura e djalit të saj ka gisht në zhdukjet e tij.

"Kam kërkuar me ngulm që të bëhej ADN-ja, nuk e kanë vrarë më thotë shefi i krimeve, jo kufoma nuk është e tija. Petrit Bushati më tha është 40-vjeç, nuk është ai. Ngulmova unë 2 herë, ai që më mori ekspertizën më tha nuk është Renato. E çun djalin te varrezat e Librazhdit. Unë kam dyshu, kam 9 vjet që pres kufomën e djalit tim. Ngulmova te policia, thoja është djali im, jo më thanë nuk ishte ai. Djali im kishte xhinse, varëse, byrzylyk, kartën. Ai shefi i krimeve të Elbasanit, drejtori i policisë së shtetit të thërrasë shtetin e të më thotë të vërtetën. Ngaqë dola unë në TV e që janë paguar të gjithë personat doli e vërteta. Unë du ta di kush ka dhënë urdhër për mbylljen e kësaj çështje, unë e di që djali është i vrarë. Në radhë të parë atë e ka vrarë shteti e më pas kriminelët. Dhe ish e dashura është e implikuar në këto gjana.  Po sikur të ishte fëmijë prokurori, a do bënte shteti gjë? Po është fëmijë nëne", tha Silvana Hamza. 

Prej mëngjesit të djeshëm, duke nisur nga ora 05:00, një grup prej 25 punonjësish të Policisë dhe specialistëve të krimeve dhe mjekësisë ligjore, kanë kryer zhvarrosjen e një kufome që mbetet ende i paidentifikuar, por dyshohet se është i këngëtarit Renato Hamza i njohur ndryshe edhe si Reni i Elbasanit. Trupi i pajetë është gjetur në një fshat të Librazhdit dhe dyshohet se ka kohë që ka ndërruar jetë, ndaj dhe analiza e ADN-së do t'i bëhet nga mbetjet kockore për të zbuluar dhe identitetin e nëse ka lidhje me "Renin e Elbasanit". Gjetja e kufomës së tij do të rihapte dosjen, pasi dyshohet se këngëtari ishte pjesë e një grupi kriminal që operonte në zonën e Shqipëirsë së Mesme me kryeqendër në Elbasan. 

Zhdukja e Renato Hamzasë

Renato Hamza rezulton i zhdukur që prej Qershorit 2014, kur për herë të fundit është filmuar në Elbasan i shoqëruar nga Indrit Shaqja, i cili sot është në qeli i dënua me burg përjetë për një tjetër ngjarje kriminale, dhe nga Deniz Xhija. Ky i fundit është person i njohur i Ervin Kërtallës, i vrarë në Shijak në Gusht 2013. Ai u kap javën e kaluar në Kolumbi për llogari të autoriteteve rumune pasi akuzohet për disa vepra penale./ Dosja.al

silvana hamza renato hamza

Sondazh

Poll

MË SHUMË