Sport

13 lojtarët latino-amerikanët që kanë fituar Champions League dhe Libertadores...

David Luiz është lojtari i fundit që i bashkohet këtij ‘klubi’ të përbërë nga nëntë brazilianë dhe katër argjentinas.

30 Tetor 2022, 08:25 Nga DOSJA

13 lojtarët latino-amerikanët që kanë fituar Champions

BRAZIL - Goli i Gabriel Barbosa (Gabigol) kundër Athletico Paranaense i dha Flamengos së tretë Copa Libertadores dhe bërë që shoku i tij i skuadrës, David Luiz të bashkohej me ‘klubin’ e zgjedhur të futbollistëve, që kanë fituar trofeun më të madh të Amerikës së Jugut dhe Champions League.

Vetëm 13 lojtarë në të gjithë historinë mund të mburren se i kanë fituar të dy titujt, nëntë brazilianë dhe tre argjentinas. David Luiz fitoi Champions League në vitin 2012 me Chelsean dhe në vitin 2022 ka shtuar në rekordin e tij edhe Copa Libertadores, ku përfshihen edhe dy tituj të Europa League, të fituara po me Chelsean.

Rasti më i veçantë është ai i argjentinasit Juan Pablo Sorín, i pari që arriti të dy trofetë dhe që i fitoi në të njëjtin vit, në 1996. I transferuar nga River, Sorín filloi sezonin 1995-96 me Juven, ku mezi kishte hapësirë. Ai luajti në vetëm pesë ndeshje, duke përfshirë 45 minutat kundër Borussia Dortmundit në fazën e grupeve të një Champions League, që do të përfundonte për klubin italian dhe në janar 1996 ai u huazua te River, me të cilin fitoi Copa Libertadores disa muaj më pas. Pavarësisht se ka ndërhyrë në vetëm një gjysmë loje, kjo Champions League figuron në rekordin e Sorin.

Carlos Tevez, fitues i Libertadores në 2003 me Boca dhe Champions League në 2008 me Manchester United, Walter Samuel, kampion i Amerikës së Jugut me Boca (2000) dhe i Europës me Inter (2010) dhe Willy Caballero, fitues i Libertadores me Boca në 2003, ashtu si Tevez dhe Champions League në 2011 me Chelsean, janë tre argjentinasit e tjerë që i përkasin këtij klubi ekskluziv.

Së bashku me David Luiz, brazilianët e tjerë që i kanë ngritur të dy trofetë janë: Cafú (São Paulo, 1992 dhe 1993 dhe Milan, 2007); Danilo (Santos, 2011 dhe Real Madrid, 2016 dhe 2017); Dida (Cruzeiro, 1997 dhe Milan, 2003 dhe 2007),  Neymar (Santos, 2011 dhe Barcelona, ​​2015); Rafinha (Bayern Munich, 2013 dhe Flamengo, 2019), Ronaldinho (Barcelona, ​​2006 dhe Atlético Mineiro, 2013), Roque Júnior (Palmeiras, 1999 dhe Milan, 2003) dhe Ramires (Chelsea, 2012 dhe 20).

B.T (Dosja.al)

 

Sondazh

Poll

MË SHUMË