Politike

ZYRTARE/ Këlliçi futet në Primaret e PD-së për Bashkinë e Tiranës: Do ta mundim me votë 'modelin' Veliaj

Deri më tani janë lakuar edhe emra të tjerë për Tiranën, si mjeku Ilir Alimehmeti, aktori Julian Deda që është njëkohësisht anëtari i Këshillit Kombëtar të Partisë Demokratike, Gert Bogdani dhe Agron Shehaj.

27 Tetor 2022, 12:05 Nga F.M
ZYRTARE/ Këlliçi futet në Primaret e PD-së për
Belind Këlliçi

TIRANË- Belind Këlliçi është personi i parë që ka dorëzuar zyrtarisht kandidaturën për tu futur në garën e primareve që po zhvillohen nga Opozita. Këlliçi do të garojë në Primaret për Tiranën dhe do të ketë përballë të tjerë emra që pritet të ndjekin të njëjtat hapa si deputeti i Partisë Demokratike. Në një deklaratë për mediat, deputeti ka deklaruar se vendimi për t'u futur në primare nuk ishte i menjëhershëm mirëpo pas disa konsultimesh, mori vendimin që të garuar. Ndër të tjera, ai thekson se Tirana është shfrytëzuar prej vitesh nga Erion Veliaj, shembull ky që nuk do jetë kur ai të vijë në krye të Tiranës.

Ai theksoi se futet në këtë garë për tu rikthyer qytetarëve qytetin e tyre i cili tashmë është i vjedhur.

Deri më tani janë lakuar edhe emra të tjerë për Tiranën, si mjeku Ilir Alimehmeti, aktori Julian Deda që është njëkohësisht anëtari i Këshillit Kombëtar të Partisë Demokratike, Gert Bogdani dhe Agron Shehaj. Orët në vijim do të na tregojnë nëse emrat e lartpërmendur do të bëhen gjithashtu kandidatë zyrtarë në primaret e Tiranës.

Partia Demokratike dhe Partia e Lirisë shkojnë bashkë në zgjedhjet vendore të 14 majit 2023. Marrëveshja e kthyer në një "kontratë" bashkëpunimi elektoral mes dy partive u firmos nga dy kryetarët Sali Berisha dhe Ilir Meta.

belind kellici pakti pd-pl zgjedhjet lokale 2023

Sondazh

Poll

MË SHUMË