Aktualitet

I lanë të shkonin deri tek valixhet pastaj u vunë prangat/ Si u finalizua kap efektivi i Rrugores në Turqi me 31 kg kanabis, kur pa qentë anti-drogë…

Dy pasagjerë, të cilët u konsideruan të dyshimtë në analizën e rrezikut, janë ndjekur nga afër nga efektivët turq, të cilët nuk e dinin që shumë shpejt do të prangosnin gjithashtu një efektiv policie shqiptar.

17 Tetor 2022, 10:47 Nga k.m.
I lanë të shkonin deri tek valixhet pastaj u vunë prangat/ Si u
Droga në Turqi

TURQI- Kontrollet në Tiranë i kishin kaluar shumë lehtë dhe pa asnjë shqetësim nga kontrollorët, por të njëjtin fat nuk e patën në Turqi. Dy pasagjerë, të cilët u konsideruan të dyshimtë në analizën e rrezikut, janë ndjekur nga afër nga efektivët turq, të cilët nuk e dinin që shumë shpejt do të prangosnin gjithashtu një efektiv policie shqiptar. Por valixhija e Florec Bicerrit me 31 kg kanabis ishte kaluar në rreze x, ku dhe u konsiderua me densitet të dyshimtë.

I lanë të shkonin deri tek valixhet pastaj u vunë prangat/ Si u
Droga në Turqi

Kështu duke i mbajtur nën vëzhgim, ekipi i sigurisë i la që të shkonin deri në vendin që marrin valixhet, për t'i bërë të ndjeheshin të sigurtë që nuk ishin pikasur. Por pikërisht në atë moment, kanë hyrë në "lojë" qentë anti-drogë, të cilët reaguan menjëherë pasi nuhatën se çfarë kishte brenda në valixhe, duke çuar në pranga tre persona.  

Florenc Bicerri, efektiv i Policisë Rrugore të Tiranës, u arrestua krejt rastësisht me 2 miqtë e bashkëpunëtorët e tij në Turqi, Kujtim Çelikun, i cili rezulton i dënuar më përpara për vjedhje. Të dy këta persona pasi kanë kaluar pikën kufitare kanë udhëtuar drejt Stambollit. Bashkë me ta është arrestuar edhe miku i tyre, Adrian Qirici. 

arrestohet efektivi shqiptar ne turqi

Sondazh

Poll

MË SHUMË