Sport

Joao Felix poshtërohet nga Simeone, bën nxehmje për 35 minuta por mbetet në stol, reagimi ndaj trajnerit është zhgënjyes (video)

Atletico Madrid, në raundin e katërt të fazës së grupeve të Champions League, nuk shkon përtej barazimit me Club Brugge.

13 Tetor 2022, 18:01 Nga DOSJA

Joao Felix poshtërohet nga Simeone, bën nxehmje për 35 minuta por

SPANJË- Atletico Madrid, në raundin e katërt të fazës së grupeve të Champions League, nuk shkon përtej barazimit me Club Brugge. Klubi belg, falë një barazimi 0-0 në ëanda Metropolitano, kualifikohet në raundin e dytë. Ndërsa për ekipin spanjoll, situata bëhet e ndërlikuar. Skuadra e Simeones është në vendin e tretë të renditjes, gjithashtu pas Portos dhe do të duhet të përballet me një betejë të vështirë për t'u kualifikuar. Pavarësisht se dominoi pjesën më të madhe të ndeshjes, Atletico nuk mundi të gjente një mënyrë për të fituar. Ishte një mbrëmje tejet frustruese për spanjollët, të cilëve iu anuluan dy gola. Por ishte një mbrëmje jashtëzakonisht frustruese veçanërisht për João Felix, i tërbuar në pankinë.

Portugezi, i cili mbërriti në Madrid nga Benfica në vitin 2019 për 126 milionë, nuk u përfshi në formacion për ndeshjen e katërt radhazi. Në gjysmën e fundit të lojës, 22-vjeçari filloi të bënte nxehme dhe dukej se mund të kishte shansin e tij. Në fund, megjithatë, trajneri i Atletico Madrid, Diego Simeone zgjodhi mesfushorin mbrojtës Axel ëitsel, i cili zëvendësoi sulmuesin Antoine Griezmann. Skuadrës së tij i duhej një gol për të fituar, por El Cholo preferoi belgun.
João Felix nuk e fshehu zhgënjimin e tij. Portugezi u tërbua dhe teksa iu afrua pankinës, hodhi një vështrim drejt trajnerit të tij. Më pas 22-vjeçari u ul sërish duke treguar zemërimin e tij. Por kjo nuk është e gjitha. Në fund të ndeshjes, lojtarët e Atleticos dolën për të falënderuar tifozët për mbështetjen e tyre. Të gjithë, përveç João Felix, i cili u largua duke shkuar në dhomat e zhveshjes.

Më pas, në rrjetet sociale, përballja me Diego Simeone dhe klubin. Pas ndeshjes, sulmuesi pëlqeu një koment të një tifozi të Benfica-s, i cili tha: “Ti je i respektuar këtu. Shko në shtëpi, João”. Një koment i tillë u zhduk pas disa minutash. João, këtë sezon, ka luftuar për të gjetur hapësirë ​​në skuadrën e Simeones. Portugezi ka bërë 12 paraqitje deri më tani dhe nuk ka shënuar ende.

Joao Felix poshtërohet nga Simeone, bën nxehmje për 35 minuta por

E.Ç (Dosja.al)

joao felix atletico madrid spanje

Sondazh

Poll

MË SHUMË