Politike

Replikoi në Asamble, përfaqësuesi rumun takon Ramën: Folëm për të ardhmen e Shqipërisë dhe Kosovës

Në një postim në Twitter, Bulai thotë se në fokus të bisedës ishte e ardhmja e Shqipërisë në Bashkimin Evropian. 

13 Tetor 2022, 10:53 Nga f.g

Replikoi në Asamble, përfaqësuesi rumun takon

STRASBURG- Përfaqësuesi rumun në Asamblenë e Këshillit të Evropës, Iulian Bulai ka takuar kryeministrin Edi Rama fill pas replikës që ndodhi dje pasdite në diskutimet Asamble. Në një postim në Twitter, Bulai thotë se në fokus të bisedës ishte e ardhmja e Shqipërisë në Bashkimin Evropian. 

"Takim kokë më kokë me kryeministrin shqiptar Edi Rama në Këshillin e Evropës. Një mundësi e shkëlqyer për të folur për të ardhmen e Shqipërisë në BE dhe për Ballkanin Perëndimor dhe integrimin. Shikimi drejt të ardhmes është rruga e duhur për Shqipërinë. Kosova i përket BE. Nuk ka vend për të banuar në të shkuarën."-shkruan ai, teksa ndan edhe një foto nga takimi, ku shihet se Rama është i shoqëruar nga kreu i grupit të PS, Taulant Balla.

Por çfarë ndodhi dje? Pas fjalimit të Ramësd në Asamblenë e Përgjithshme të Këshillit të Europës për krimet e luftës në Kosovë dhe anulimin e rezolutës së Dick Martyt, Bulai tha se ky organ i Këshillit të Europës nuk është Prokurori, ndaj ai shtoi se duhen pritur përgjigjet nga Prokuroria e Hagës fillimisht.

“Duhet thënë që kjo asamble nuk është prokuroria. Le të presim përgjigjen e Prokurorisë në Hagë për t’iu përgjigjur” - tha Bulai./Dosja.al

iulian bulai edi rama

Sondazh

Poll

MË SHUMË