Bota

Shefi i NATO-s dhe sekretari i mbrojtjes i SHBA-së përsërisin mbështetjen për Ukrainën përpara takimit të ministrave

Stoltenberg vlerësoi të mërkurën miratimin nga Asambleja e Përgjithshme e OKB-së të një rezolute që i thotë Rusisë aneksimi i saj i katër zonave ukrainase është i paligjshëm dhe jo i vlefshëm, duke e quajtur votimin një "dënim të qartë të aneksimit të paligjshëm të territoreve ukrainase dhe një thirrje të qartë ndaj Presidentit rus të anulojë këto vendime dhe të respektojë integritetin territorial të Ukrainës”.

13 Tetor 2022, 10:13 Nga d.a.
Shefi i NATO-s dhe sekretari i mbrojtjes i SHBA-së përsërisin
Austin dhe Stoltenberg

BRUKSEL- Sekretari i Përgjithshëm i NATO-s Jens Stoltenberg dhe Sekretari i Mbrojtjes i SHBA-së Lloyd Austin përsëritën mbështetjen e tyre për Ukrainën përpara një takimi të ministrave të mbrojtjes të NATO-s në Bruksel të enjten. 

“Ne ende qëndrojmë pranë Ukrainës për aq kohë sa duhet, ne do të shtojmë mbështetjen tonë dhe në veçanti do të ofrojmë më shumë ndihmë për mbrojtjen ajrore Ukrainës”, tha Stoltenberg në Bruksel së bashku me Austin. 

Stoltenberg vlerësoi të mërkurën miratimin nga Asambleja e Përgjithshme e OKB-së të një rezolute që i thotë Rusisë aneksimi i saj i katër zonave ukrainase është i paligjshëm dhe jo i vlefshëm, duke e quajtur votimin një "dënim të qartë të aneksimit të paligjshëm të territoreve ukrainase dhe një thirrje të qartë ndaj Presidentit rus të anulojë këto vendime dhe të respektojë integritetin territorial të Ukrainës”.

"Unë jam absolutisht dakord me ju dhe nuk mund ta kisha thënë më mirë. Dua të duartrokas të gjithë aleatët dhe partnerët tanë, të cilët janë ngritur për të ofruar ndihmë për Ukrainën. Kjo aleancë është forumi thelbësor për konsultim, vendimmarrje dhe veprim kur bëhet fjalë për sigurinë e rajonit dhe sigurinë transatlantike gjithashtu."- tha Austin, duke përsëritur se SHBA do të vazhdojë të mbështesë Ukrainën "për aq kohë sa të duhet. 

Austin ripohoi përkushtimin e Uashingtonit ndaj nenit 5, parimi se një sulm ndaj një anëtari të NATO-s është një sulm ndaj të gjithë anëtarëve, dhe për "mbrojtjen e çdo centimetër të territorit të NATO-s".

lloyd austin jens stoltenberg

Sondazh

Poll

MË SHUMË