Aktualitet

Arrestohet hajdut serial i supermarketeve, 33-vjeçari nga Laçi mori ushqime në Tiranë e Durrës

I arrestuari ka marrë nga supermarketet produkte ushqimore.

12 Tetor 2022, 12:25 Nga f.g

Arrestohet hajdut serial i supermarketeve, 33-vjeçari nga Laçi

DURRES- Një 33-vjeçar është arrestuar gjatë operacionit policor "Rrjeti", pasi ishte filmuar se kishte vjedhur disa herë në supermarkete në Durrës dhe Tiranë. Policia njofton se i arrestuar është S.Xh nga Laçi dhe vjedhjet kanë ndodhur në datat 4, 5 dhe 7 tetor dhe se i arrestuari ka marrë nga supermarketet produkte ushqimore.

NJOFTIMI I PLOTE DHE PAMJET E NDALIMIT: 

Durrës/ Finalizohet operacioni policor i koduar “Rrjeti”, i zhvilluar nga Komisariati i Policisë Durrës.
Vodhi në mënyrë të përsëritur, në një rrjet supermarketesh në Durrës dhe Tiranë, arrestohet në flagrancë 33-vjeçari.
I arrestuari, i dënuar më parë për armëmbajtje pa leje.
Shërbimet e Policisë, bazuar në informacionet e grumbulluara nga denoncimet për raste vjedhjesh në supermarkete, të adresuara ditët e fundit në Komisariatin e Policisë Durrës, kanë finalizuar operacionin policor të koduar “Rrjeti”, në kuadër të të cilit u arrestua në flagrancë shtetasi:
-S. Xh., 33 vjeç, banues në Laç, për veprën penale “Vjedhja”, kryer më shumë se një herë, pasi në datat 4, 5 dhe 7 tetor, ka vjedhur produkte të ndryshme ushqimore, në një rrjet supermarketesh në Durrës dhe Tiranë.
Vijon puna për identifikimin dhe kapjen e personave të tjerë të përfshirë në këto veprimtari kriminale.
Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.

arrestohet hajduti ne durres

Sondazh

Poll

MË SHUMË