Aktualitet

Incident në protestë! Qytetari futet mes aktorëve: O popull, ndal ushtarët e Berishës, Teatrin e shembi Adriana

Protestuesit i kërkuan të largohej, duke e konsideruar 'të shitur'. Ndërsa aktori Medi Malkaj i bëri popullit të ngrihej kundër qeverisë e jo ndaj njëri-tjetrit. 

12 Tetor 2022, 11:08 Nga F.M
Incident në protestë! Qytetari futet mes aktorëve: O popull, ndal
Qytetari

TIRANË- Një qytetar ka ndërprerë protestën e mbajtur sot para Prokurorisë së Posaçme Kundër Korrupsionit dhe Krimit të Organizuar (SPAK), ku përfaqësues së Partisë Demokratike dhe të Aleancës për Teatrin kërkuan drejtësi. Ai ngriti tonet duke hedhur akuza mbi përfaqësuesit e selisë blu dhe aktorët që kërkonin drejtësi për shembjen e Teatrit Kombëtar duke i quajtur 'ushtarë' të kryedemokratit Sali Berisha. Protestuesit i kërkuan të largohej, duke e konsideruar 'të shitur'. Ndërsa aktori Medi Malkaj i bëri popullit të ngrihej kundër qeverisë e jo ndaj njëri-tjetrit. 

Qytetari: Popull shqiptar, ndali ushtarët e Sali Berishës me Adriana Kalanë në krye. Rama nuk e ka shemb Teatrin, e shembi Adriana Kalaja

Protestuesit: Ik ore i shitur

Medi Malkaj: Nuk ka problem, janë gjëra që ndodhin, pjesë e popullit është edhe ai, ju bëj një thirrje zonja dhe zotërinj, ngrihuni nga gjumi, jo për të vrarë e për të prerë, është më mirë të vdesësh duke protestuar se sa duke dalë në televizor. Rroftë Teatri.

Partia Demokratike ka mbajtur sot protestën e dytë në luadër të aksionit të Opozitës së Bashkuar. Sot, përfaqësues të selisë blu dhe anëtarë të Aleancës për Teatrin dëgjuan thirrjen e deputetit demokrat Belind Këlliçi dhe u mbodhën për rreth një orë para Prokurorisë së Posaçme Kundër Korrupsionit dhe Krimit të Organizuar (SPAK) për të kërkuar drejtësi për shembjen e Teatirt Kombëtar.

protesta e opozites se bashkuar

Sondazh

Poll