Politike

Lokalet/ Deputetët e PD njëzëri: Të dalim me një kandidat, çdo alternativë tjetër i shërben Ramës

Flamur Hoxha, Lefter Gështenja, Arbi Agalliu, Grida Duma dhe Bledion Nallbati u shprehën se dalja me më shumë se një kandidat do t’i shërbente vetëm kryeministrit Edi Rama.

10 Tetor 2022, 13:35 Nga F.M
Lokalet/ Deputetët e PD njëzëri: Të dalim me një
Grida Duma

TIRANË- Deputetët e Partisë Demokratike kanë deklaruar se PD-ja duhet të futet me kandidatë të përbashkët në zgjedhjet lokale. Në një deklaratë për mediat, para nisjes së mbledhjes së grupit të PD-së, Flamur Hoxha, Lefter Gështenja, Arbi Agalliu, Grida Duma dhe Bledion Nallbati u shprehën se dalja me më shumë se një kandidat do t’i shërbente vetëm kryeministrit Edi Rama.

Pjesë nga prononcimet:

Pyetje: Në zgjedhjet vendore më një kandidat apo dy

Flamur Hoxha: Me një

Pyetje: Do merrni pjesë në primare?

Flamur Hoxha: Do marrim pjesë aty ku duan demokratët

Lefter Gështenja: E vetmja rrugë është që PD dhe opozita duhet të dalë me një kandidat, cdo zgjidhje tjetër ka vetëm një emër, Edi Rama.

Pyetje: Alibeaj thotë se do ketë kandidatët e vet, Berisha thotë se do nisë primaret, si zgjidhet kjo situatë.

Lefter Geshtenja: Të gjithë bashkë duhet të marrim një vendim për të qartësuar demokratët dhe për të qartësuar vetë. E vetmja zgjedhje është dalja me një kandidat. Është kohë të heshtim dhe ti lëmë fjalën demokratëve. Është koha që secili nga ne të kontribuojë për zgjedhje. Nuk humbin demokratët, por shqiptarët nëse ne dalim me më shumë se një kandidat.

Bledion Nallbati: Grupi do mblidhet sot për të diskutuar për këtë çështje. Unë si deputet do jem pjesë e zgjedhjeve për të mbështetur kandidaturat e PD dhe mendoj se duhet të jenë kandidatura të përbashkëta.

Arbi Agalliu: Çdo përpjekje për të unifikuar dhe maksimizuar votat e demokratëve. Çdo diskutim tjetër përtej këtij objektivi shkon në funksion të kësaj qeverie dhe Edi Ramës.

Kryetari i PD Sali Berisha ka rënë dakort me aleatët dhe Ilir Metën, kreun e Partisë së Lirisë. Ai është shprehur se do të përpiqet të dalë me një listë brenda muajit tetor, por dakortësia brenda PD-së nuk është arritur ende. Grupi i Alibeajt vijon bisedimet më vetë dhe nuk dihet se si do të shkojë soituata. Berisha nga ana tjetër e ka mbajtur dorën të shtrirë kundrejt Alibeajt për arritjen e një marrëveshje me qëllim futjen e PD-së në zgjedhjet lokale, si të bashkuar.

partia demokratike zgjedhjet lokale 2023

Sondazh

Poll

MË SHUMË