Politike

50 vjetori i ASH/ Berisha: Aty u elaboruan falsifikimet më monstruoze! Gjinushi një "matrapaz" që i shiti partinë Tom Doshit

Kryedemokrati nuk kurseu as kreun aktual të këtij institucioni, Skënder Gjinushi për të cilin tha se është në dhunim flagrant të Kushtetutës në atë detyrë. Berisha akuzoi Gjinushin se për llogari të kryeministrit Rama i ka shitur partinë Tom Doshit.

10 Tetor 2022, 12:40 Nga e.k
50 vjetori i ASH/ Berisha: Aty u elaboruan falsifikimet më monstruoze!
Sali Berisha

TIRANË- Kryetari i Partisë Demokratike, Sali Berisha hodhi akuza të forta ndaj qeverisë në lidhje me Akademinë e Shkencave, e cila feston sot 50 vjetorin e themelimit.

Kreu i selisë Blu hodhi akuza të forta ndaj Akademisë së Shkencave për të cilën tha se është bashkëfajtore dhe bashkëpërgjegjëse për diktaturën dhe tiraninë që vendosi Enver Hoxha. Kryedemokrati nuk kurseu as kreun aktual të këtij institucioni, Skënder Gjinushi për të cilin tha se është në dhunim flagrant të Kushtetutës në atë detyrë. Berisha akuzoi Gjinushin se për llogari të kryeministrit Rama i ka shitur partinë Tom Doshit.

Sali Berisha: Sot Akademia kremton 50-vjetorin me një regres të madh. Nëse më parëkishte në krye një historian të nderuar si Aleks Buda, sot ka një matrapaz, një ish-ministër të diktaturës, që uzurpoi postin e kreut të akademisë duke ia shitur partinë e tij Tom Doshit. Skënder Gjinushi, ish-kryetar i Partisë Socialdemokrate, i shiti partinë Edi Ramës për Tom Doshin në shkëmbim të kryetarit të Akademisë. Histori më të turpshme nuk ka në botë. Ai që mori atë post në dhunim flagrant të Kushtetutës, e cila përcakton se kryetari i Akademisë emërohet nga Presidenti i Republikës. Por për pazarxhinjtë Rama-Gjjinushi, Kushtetuta nuk vlen një lekë. Rëndësi ka që të blinte Akademinë me partinë. Nuk ka ditë më të zezë se kjo e sotmja, kur ai institucion feston 50-vjetorin me një qenie të turpshme si kryetarin e saj.

Më herët gjatë ditës së sotme duke folur nga Kuvendi në seancën e mbajtur në nder të 50 vjetorit të themilimit të Akademisë Shkencave, kryeministri Edi Rama nuk i kurseu lavdërimet për lidershipin e këtij institucioni, Skënder Gjinushi. Rama u shpreh se Akademia e Shkencave ka bërë një përparim të madh në krahasim me vitet e shkuara ku sipas tij barbaria politike nuk lejonte dijën të mbizotëronte mbi injorancën. Rama ndër të tjera rënditi dhe tri sfidat e Akademisë së Shkencave. Sipas tij Enciklopedia, fjalori dhe gjuha janë tri sfidat e sotme dhe të nesërme. 

sali berisha 50 vjetori i akademise se shkencave edi rama

Sondazh

Poll

MË SHUMË