Sport

Nuk ka seanca kimioterapie: Boetius dhe Hertha marrin ‘frymë’ të lehtësuar…

Është lajmi pozitiv: Jean-Paul Boetius (28), i cili u diagnostikua me një tumor testikular tetë ditë më parë, nuk duhet t'i nënshtrohet kimioterapisë.

1 Tetor 2022, 07:42 Nga DOSJA

Nuk ka seanca kimioterapie: Boetius dhe Hertha marrin ‘frymë’

GJERMANI - “Konsultat kanë treguar se nuk do të jetë e nevojshme për kimioterapi”,- tha shefi i mediave të Herthas, Marcus Jung në fillim të konferencës për shtyp të ditës së premte. "Ne të gjithë jemi të lumtur për këtë, e gjithë familja e Herthas është shumë e lumtur për këtë. Kjo është shumë kënaqësi për ne."

I porsaardhuri holandez u diagnostikua me një tumor testikular të enjten e kaluar dhe mesfushori duhej t'i nënshtrohej një operacioni të premten. Në fillim të kësaj jave, trajneri i Herthas, Sandro Schwarz, i cili kishte punuar me Boetius edhe te Mainz 05, tha pas një vizite tek 28-vjeçari: "Ai nuk e ka humbur buzëqeshjen. Ky është një lajm shumë, shumë i mirë."

Të premten, rezultati i mostrës së vlerësuar të indeve dha lajmin tjetër vërtet të mirë.  Boetius, ashtu si shoku i tij i skuadrës Marco Richter, i cili gjithashtu u diagnostikua me kancer testikular në korrik, nuk duhet t'i nënshtrohet ndonjë seance kimioterapie.

Ky lajm shkaktoi një psherëtimë lehtësimi kolektive në klub. “Pushimi ndërkombëtar ishte shumë emocionues për ne për shkak të Djanga (pseudonimi i Jean-Paul Boetius, red.)”,- shpjegoi Schwarz të premten. "Ne jemi të lumtur që kjo është pozitive dhe shpresojmë se do të marrë një kurs të ngjashëm me Marcon."

B.T (Dosja.al)

Sondazh

Poll

MË SHUMË