Politike

Yuri Kim në Kuvend, takohet me Tabakun e Etilda Gjonaj! Deputetja e PD: Diskutuam për korrupsionin

Në fokus të bisedës së tyre mësohet se është çështja e integrimit të Shqipërisë në Bashkimin Europian, por nuk përjashtohet as diskutimi i politikës në Shqipëri.

27 Shtator 2022, 16:14 Nga k.m.
Yuri Kim në Kuvend, takohet me Tabakun e Etilda Gjonaj! Deputetja e PD:
Yuri Kim dhe Jorida Tabaku

TIRANË- Ambasadorja amerikane në Tiranë, Yuri Kim ka zhvilluar ditën e sotme një takim me deputeten e Partisë Demokratike, Jorida Tabakun në Kryesinë e Kuvendit. Në fokus të bisedës së tyre mësohet të ketë qenë çështja e integrimit të Shqipërisë në Bashkimin Europian dhe çështje që lidhen me politikën e brendshme në vend.

Yuri Kim në Kuvend, takohet me Tabakun e Etilda Gjonaj! Deputetja e PD:
Jorida Tabaku dhe Yuri Kim

Depuetja e Partisë Demokratike, Jorida Tabaku ka zbardhur dhe takimin që ka zhvilluar me ambasadoren e SHBA-së, Yuri Kim, ku e pranishme ishte dhe ish-ministrja e Drejtësisë, deputetja e Partisë Socialiste, Etilda Gjonaj. Me anë të një postimi në Twitter, Tabaku shkruan se fokusi i takimit ishin zgjedhjet e lira dhe lufta ndaj korrupsionit. 

“Sot diskutova me ambasadoren amerikane në Shqipëri prioritetet e procesit të integrimit, rëndësinë e përfshirjes së drejtësisë. S’ka rrugë tjetër veç përmbushjes së kushteve për të sjellë ndryshimin: Luftimi i korrupsionit, krimit të organizuar; zgjedhjet e lira dhe të ndershme duhet të jenë kryefjala e politikës! Gjithashtu fokus të veçantë morën dhe shqetësimet e opozitës & ekspertëve të pavarur mbi nismat e fundit qeveritare si: Amnistia Fiskale, Pasaportat e Arta, Legalizimi i Kanabisit që nuk janë projekte nën frymën e integrimit ndaj i duhet thënë stop. E angazhuar për të mbikëqyrur dhe kontrolluar punën e qeverisë në këtë proces; duhet ndryshuar mentaliteti administratës publike! I bëj thirrje qeverisë ta përdorë procesin e integrimit si një mënyrë për tërheqjen e mijërave të rinjve të talentuar që janë larguar nga Shqipëria”, shkruan Tabaku. Ndërkohë që ambasadorja Kim, ende nuk ka ndarë detaje lidhur me çfarë u diskutua me dy deputetet e Kuvendit. 

Disa ditë më parë ambasadorja e Shteteve të Bashkuara të Amerikës, Yuri Kim ka zhvilluar një takim dhe me kreun e Partisë së Lirisë, Ilir Meta. Takimi me Metën u zhvillua në selinë e Partisë së Lirisë dhe pas takimit në reagimin e saj ambasada u shpreh se ky takim lidhet me takimet që ambasadorja po zhvillon me drejtuesit politik dhe përfaqësues të partive politike. 

yuri kim jorida tabaku kim takohet me tabakun

Sondazh

Poll

MË SHUMË